„ოცნების" აფიორა და ტყუილი, თითქოს, არჩევნებში თუ გაიმარჯვებენ, ურთიერთობას შეერთებულ შტატებთან შემდეგ „დაალაგებენ", არავინ არ დაიჯეროს! ამ მთავრობამ არაერთხელ გადაკვეთა შიდა-პოლიტიკური წითელი ხაზები, დაამყარა ავტოკრატია, კორუფციაში ჩაეფლო და ქვეყანა გააღარიბა! ხოლო ახლა უკვე მათ გადაკვეთეს საერთაშორისო წითელი ხაზები და მათ ამ დანაშაულს არავინ აპატიებს,- ასე ეხმაურება „ერთიანობა - ნაციონალური მოძრაობის“ გენერალური მდივანი პეტრე ცისკარიშვილი ჰელსინკის კომისიის განცხადებას.

ცისკარიშვილის თქმით, „ჰელსინკის კომისიის განცხადება არ არის მხოლოდ პოლიტიკური განცხადება, ეს არის სამართლებრივად გამყარებული ბრალდება, რომელიც არ გაჟღერდებოდა, რომ არ არსებობდეს უტყუარი მტკიცებულებები აღნიშნულ საქმიანობასთან დაკავშირებით".

„აშშ-ის ევროპასთან თანამშრომლობის და უსაფრთხოების კომისიამ, რომელიც ასევე ცნობილია, როგორც ჰელსინკის კომისია, სადაც შედიან კონგრესის და აშშ-ის მთავრობის  წარმომადგენლები, გუშინ გააკეთა ოფიციალური განცხადება იმასთან დაკავშირებით, რომ „ქართული ოცნება“ ე.წ. ქოლ-ცენტრების ქსელის მეშვეობით, ჩართულია საერთაშორისო დანაშაულში, ძარცვას უცხოეთის მოქალაქეებს და ამ შავ კრიმინალურ ფულს იყენებს ოპოზიციის წინააღმდეგ, ქართველი ხალხის და საქართველოში დემოკრატიის გასანადგურებლად. სახელმწიფო დეპარტამენტმა ამ თემასთან დაკავშირებით უნდა მიიღოს შესაბამისი ზომები. 

მეგობრებო, თქვენ მოისმენთ ბევრ განმარტებას იმასთან დაკავშირებით, რომ ეს არის სანქციების წინა განცხადება, რომ ამასთან დაკავშირებით მტკიცებულებები არსებობს -  ეს ყველაფერი სწორია და დარწმუნებული ვარ, რომ ეს ნამდვილად ასე იქნება. ამის გარდა, კიდე რა დასკვნა უნდა გააკეთოს ქართულმა საზოგადოებამ: ეს არის ბოლო პერიოდის ყველაზე მკაფიო სიგნალი იმის ნიშნად, რომ ქვეყანას მართავს დანაშაულებრივი სინდიკატი, ეს არ არის მხოლოდ პოლიტიკური განცხადება, ეს არის სამართლებრივად გამყარებული ბრალდება, რომელიც არ გაჟღერდებოდა, რომ არ არსებობდეს უტყუარი მტკიცებულებები აღნიშნულ საქმიანობასთან დაკავშირებით.

უნდა გვახსოვდეს, რომ „ოცნების“ აფიორა, რომ თითქოს, თუ ისინი არჩევნებზე გაიმარჯვებენ, შემდეგ მოახერხებენ დასავლეთთან ურთიერთობას „დალაგებას“, ეს არის დიდი „აფიორა“ და ტყუილი. არავინ არ უნდა დაიჯეროს ეს, რადგან ამ მთავრობამ არაერთხელ გადაკვეთა პოლიტიკური წითელი ხაზები, დაამყარა ავტოკრატია, ჩაერთო კორუფციაში, ქვეყანა გააღარიბა, ახლა უკვე მათ გადაკვეთეს საერთაშორისო წითელი ხაზები და ამ დანაშაულს მათ ნამდვილად არავინ არ აპატიებს“,- აცხადებს ცისკარიშვილი.

შეგახსენებთ, ჰელსინკის კომისიამ გაავრცელა განცხადება, რომელშიც ნათქვამია, რომ „ოპოზიციის შევიწროებისთვის „ქართული ოცნება“ თაღლითური ქოლ-ცენტრების ქსელიდან მიღებულ შავ ფულს ეყრდნობა".

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს