|
2024-07-31 13:14:48, 382 ნახვა
საზოგადოება
კალაძე - მინდა წარმატებები ვუსურვო ჩვენს პარასპორტსმენებს, ხელისუფლება ყოველთვის იქნება თქვენს გვერდით
საქართველოს პარალიმპიელთა ნაკრები ზაფხულის მე-17 პარალიმპიურ თამაშებზე გააცილეს. პარასპორტსმენების ფიცის დადების ცერემონიას, რომელიც დღეს “შერატონ გრანდ თბილისი მეტეხი პალასში“ გაიმართა, დედაქალაქის მერი კახა კალაძე დაესწრო. თბილისის მერმა შეკრებილ საზოგადოებას სიტყვით მიმართა და ოლიმპიურ თამაშებზე ტატო გრიგალაშვილის წარმატებული ასპარეზობის შედეგი მიულოცა, პარალიმპიელთა ნაკრებს კი გამარჯვება უსურვა. “გუშინ პირველი მედალი მოვიპოვეთ და მინდა ტატო გრიგალაშვილს მივულოცო. ნამდვილად საამაყოა. რა თქმა უნდა, სურვილი იყო, ოქროს მედლით დაბრუნებულიყო, მაგრამ არა უშავს, სპორტში ყველაფერი ხდება. მინდა წარმატებები ვუსურვო ჩვენს პარასპორტსმენებს. აქ უკვე ითქვა, რომ პარალიმპიურ თამაშებზე 6 სახეობაში 14 სპორტსმენი წარდგება, რაც, რა თქმა უნდა, ძალიან დიდი მიღწევაა. დარწმუნებული ვარ, ძალიან ბევრი მიმართულებით მივაღწევთ გამარჯვებას“, - აღნიშნა კახა კალაძემ. მან ასევე ხაზი გაუსვა სპორტის მიმართულებით სახელმწიფოს მხარდაჭერას. “ბოლო წლების განმავლობაში ძალიან ბევრი რამ გაკეთდა სპორტის მიმართულებით. ცხადია, ჯერ კიდევ არსებობს გამოწვევები, თუმცა მინდა ერთი რამ დაგპირდეთ: ხელისუფლება ყოველთვის იქნება თქვენ გვერდით, სპორტსმენების გვერდით. ყველაფერს გავაკეთებთ იმისთვის, რომ კიდევ უფრო მეტი ინფრასტრუქტურა შეიქმნას, კიდევ უფრო მეტი დარბაზი აშენდეს, კიდევ უფრო მეტი გაკეთდეს იმისთვის, რომ სპორტი იყოს წარმატებული. შემთხვევითი არ არის ის წარმატებები, რაც ჩვენ ბოლო წლების განმავლობაში მოვიპოვეთ სხვადასხვა მიმართულებით და დარწმუნებული ვარ, თქვენც შეძლებთ ქართველი ხალხის, ქართველი გულშემატკივრის გახარებას. მინდა, წარმატებები გისურვოთ“,- განაცხადა დედაქალაქის მერმა. აღსანიშნავია, რომ პარალიმპიური ნაკრების 14-წევრიდან ერთ-ერთი, გიორგი ნიკოლაძე თბილისის მერიის თანამშრომელია. ზაფხულის მე-17 პარალიმპიური თამაშები, სტარტს პარიზში, 28 აგვისტოს აიღებს და 8 სექტემბრამდე გაგრძელდება. ინფორმაციას თბილისის მერია ავრცელებს.
TBC კონცეპტის, Visa-ს, M.T.A.-ს შეთავაზება სათხილამურო სპორტის მოყვარულთათვის
საქართველოს ბანკი -განათლების მთავარი მხარდამჭერი უწყვეტი შესაძლებლობებისთვის
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



