|
2024-07-26 17:10:00, 515 ნახვა
საზოგადოება
მელაძე - კალაძის მოთხოვნის საფუძველზე, ტელევიზიის ანგარიშების და ქონების დაყადაღებას ველით
"TV პირველის" საინფორმაციო სამსახურის უფროსის, ნოდარ მელაძის განცხადებით, თბილისის მერის, კახა კალაძის მოთხოვნის საფუძველზე, ტელევიზიის ანგარიშების და ქონების დაყადაღებას ელიან. როგორც მელაძე სოციალურ ქსელში წერს, მოთხოვნა, რომლის საფუძველიც ჟურნალისტ მაია მამულაშვილის წინააღმდეგ აღძრული საქმეა, აღსრულების ეროვნულ ბიუროში დღეს, 26 ივლისს შევიდა. "ვართ მოლოდინის რეჟიმში. ველით თბილისის მერის, კახი კალაძის მოთხოვნის საფუძველზე, ტელევიზიის ანგარიშების და ქონების დაყადაღებას. აღსრულების მოთხოვნის საფუძველია, აშშ-ს მიერ, კორუფციის ბრალდებით სანქცირებული კლანის კონტროლის ქვეშ მყოფი, სასამართლოს შარშანდელი გადაწყვეტილება - "მამულაშვილის ქეისი". რატომ გაახსენდა კალაძეს ეს "ქეისი" ახლა? ხვალ, შაბათის ეთერში გადის რეპორტაჟი კალაძის დაუდეკლარირებელ ქონებაზე, რომლის ღირებულებაც ასობითათასი ლარია. არსებობს მკიცებულებები, რომ ეს ქონება, მისი განკარგვის ქვეშ არის, თუმცა დეკლარაციაში არ წერია. კითხვა გავაგზავნეთ მერთან. გვიპასუხეს, რომ არ უნდა დაგვავიწყდეს საქმე, რომელიც "წავაგეთ". დღეს შევიდა აღსრულების მოთხოვნა. რა შეიძლება მოხდეს? თუ ტელევიზიას არ ექნება სახსრები, გადაიხადოს ეს ფული, აღსრულების ბიუროს შეეძლება, შემოვიდეს და ამოიღოს ტელევიზიის ქონება - მაგალითად, მიკროფონი, კამერა, სკამი, კომპიუტერი გაიტანოს აუქციონზე, გაყიდოს და ფული კალაძეს ჩაურიცხოს",- წერს მელაძე "ფეისბუქის" გვერდზე. შეგახსენებთ, 2022 წლის ნოემბერში, თბილისის საქალაქო სასამართლომ დააკმაყოფილა დედაქალაქის მერის, კახა კალაძის საჩივარი, რომელიც "TV პირველს“ ცრუ ინფორმაციის გავრცელებაში ადანაშაულებდა და წამყვან მაია მამულაშვილისგან კომპენსაციას ითხოვდა. დედაქალაქის მერი საჯაროდ გავრცელებული ინფორმაციის უარყოფასა და მორალური ზიანის ანაზღაურებას 100 000 ლარით ითხოვდა, თუმცა მოსამართლე ზაალ მარუაშვილმა "TV პირველს“ წამყვანს 15 ათასი ლარის გადახდა დააკისრა.
TBC კონცეპტის, Visa-ს, M.T.A.-ს შეთავაზება სათხილამურო სპორტის მოყვარულთათვის
საქართველოს ბანკი -განათლების მთავარი მხარდამჭერი უწყვეტი შესაძლებლობებისთვის
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



