ნორიო-ლილოს დამაკავშირებელი ადგილობრივი მნიშვნელობის გზაზე ხიდი ჩავარდა.

ამის შესახებ ინფორმაცია და ფოტომასალა თავდაპირველად "ფეისბუქ-გვერდმა" "ჩემი ქალაქი მკლავს" გაავრცელა.

"ნორიო-მარტყოფის დამაკავშირებელი ხიდი სოფელ დიდ ლილოსთან დღეს ჩავარდა. ამ გზით ყოველდღე ლილის ნაგავსაყრელზე 1 300-1 500 ტონა ნაგავი შედის. სავარაუდოდ, ხიდმა ვეღარ გაუძლო დატვირთვას და შედეგიც სახეზეა. საბედნიეროდ, არავინ დაშავებულა",- ნათქვამია გვერდზე გამოქვეყნებულ ინფორმაციაში.

მოგვიანებით, აღნიშნულთან დაკავშირებით განცხადება გაავრცელა გარდაბნის მუნიციპალიტეტის მერიამაც. 

"ნორიო-ლილოს დამაკავშირებელი ადგილობრივი მნიშვნელობის გზაზე ხიდის დაზიანების გამო, საავტომობილო გადაადგილება დროებით შეზღუდულია. საავტომობილო საშუალებებისთვის აღნიშნული მიმართულებით გადაადგილება შესაძლებელი იქნება თბილისის შემოვლითი გზის მეშვეობით. გარდაბნის მუნიციპალიტეტის მერია ბოდიშს გიხდით შეფერხებისთვის",- აღნიშნულია მერიის განცხადებაში, რომელიც სოციალურ ქსელში გამოქვეყნდა.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა