16-18 ივლისს, "საქართველოს ფოსტამ", საქართველოში, კერძოდ თბილისში, მსოფლიო საფოსტო კავშირის (Universal Postal Union), მომსახურების ხარისხის ფონდის (Quality of Service Fund) საბჭოს 88-ე შეხვედრას უმასპინძლა. ამის შესახებ ინფორმაციას "საქართველოს ფოსტა" ავრცელებს.

მათი ცნობით, როგორც "საქართველოს ფოსტის" გენერალურმა დირექტორმა, ლევან ჩიკვაიძემ აღნიშნა, შეხვედრის ფარგლებში, განხილულ იქნა ფონდის ხელშეწყობით, მსოფლიოს სხვადასხვა ქვეყანაში, უკვე განხორციელებული და სამომავლო პროექტები. 

"მნიშვნელოვანია, რომ მიმდინარე შეხვედრისას, კენჭისყრის საფუძველზე, საბჭოს თავმჯდომარედ არჩეული იქნა ნუგზარ ბრეგვაძე, "საქართველოს ფოსტის" საერთაშორისო და საოპერაციო დეპარტამენტის უფროსი. აღსანიშნავია ისიც, რომ ფონდის არსებობის მანძილზე, საქართველო, საბჭოს  თავმჯდომარედ პირველად დასახელდა.    

საქართველოსთან ერთად, მსოფლიო საფოსტო კავშირის, მომსახურების ხარისხის ფონდის (Universl Postal Union Quality of Service Fund) წევრები არიან შემდეგი ქვეყნების საფოსტო ოპერატორები: ამერიკის შეერთებული შტატები, შვეიცარია, საუდის არაბეთი, ჩილე, თურქეთი, ტაილანდი, ეგვიპტე, ინდოეთი, კოტ-დ ივუარი.  

მსოფლიო საფოსტო კავშირის, მომსახურების ხარისხის ფონდი, უზრუნველყოფს განვითარებად ქვეყნებში ისეთი სტრატეგიულად მნიშვნელოვანი პროექტების დაფინანსებას, რომლებიც მიზნად ისახავს მსოფლიოში საფოსტო სერვისის მომსახურების ხარისხის გაუმჯობესებას, შიდა საფოსტო ქსელისა და ინფრასტრუქტურის განვითარებას",- აღნიშნულია გავრცელებულ ინფორმაციაში.

ავტორი: R (რეკლამა),

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა