2024-06-27 19:24:10, 484 ნახვა
საზოგადოება
საქართველო-ესპანეთის მატჩის ბილეთების გაყიდვა 28 ივნისს დაიწყება
საქართველოს საფეხბურთო ეროვნული ნაკრების ოფიციალური გვერდის ცნობით, ევრო 2024-ზე, საქართველოსა და ესპანეთის ნაკრებების მატჩზე დასასწრები ბილეთები 28 ივნისს, თბილისის დროით 12:00 საათზე გაიყიდება.
ბილეთების შეძენას გულშემატკივარი უეფას სპეციალურ პორტალზე შეძლებს. ერთ მომხმარებელს მაქსიმუმ ორი ბილეთის ყიდვის უფლება ექნება, ხოლო ფასები 30 დან 200 ევრომდეა.
საქართველოსა და ესპანეთის მატჩი ევროპის ჩემპიონატის მერვედფინალში 30 ივნისს ჩატარდება. შეხვედრა თბილისის დროით 23:00 საათზე დაიწყება.
ავტორი: ექსპრესნიუსი,
epn.ge (@expressnews.ge)
