|
2024-04-07 18:18:31, 493 ნახვა
პოლიტიკა
არასამთავრობოები - მოვუწოდებთ „ოცნების“ ლიდერებს, აუხსნან ხალხს, ავალებდნენ თუ არა უცხო სახელმწიფოს ინტერესის სასარგებლოდ მოქმედებას
არასამთავრობო ორგანიზაციები "ქართული ოცნების" იმ ლიდერებს, რომლებიც ათწლეულების განმავლობაში საქმიანობდნენ ამერიკის შეერთებული შტატებისა და ევროკავშირის მიერ დაფინანსებულ ორგანიზაციებში, მოუწოდებენ, ქართველ ხალხს აუხსნან, ავალებდნენ თუ არა მათ უცხო სახელმწიფოს ინტერესის სასარგებლოდ მოქმედებას. არასამთავრობოები აღნიშნულთან დაკავშირებით ერთობლივ განცხადებას ავრცელებენ, რომელშიც აღნიშნულია, რომ თავად საქართველოს მოქალაქეთა ინტერესების დასაცავად და საქართველოში დემოკრატიული საზოგადოებრივი წეს-წყობილების გასაძლიერებლად მოქმედებენ და იმოქმედებენ. "საზოგადოებისთვის ცნობილია, რომ "რუსული კანონის" ავტორი პარტიის წარმომადგენლები ათწლეულების განმავლობაში საქმიანობდნენ აშშ-ის და ევროკავშირის მიერ დაფინანსებულ ორგანიზაციებში. მათ შორის:
მათი ნაწილი, როგორც დონორი ორგანიზაციების წარმომადგენლები, ისე მუშაობდნენ ქართულ არასამთავრობო ორგანიზაციებთან მართლმსაჯულების, თანასწორობის, თვითმმართველობისა და სხვა საკითხებზე. დღეს ისინი აცხადებენ, რომ ის ორგანიზაციები, რომლებსაც წლების განმავლობაში თავად წარმოადგენდნენ, უცხო სახელმწიფოების ინტერესებით მოქმედებენ და საფრთხეს წარმოადგენენ საქართველოსთვის. შესაბამისად, მოვუწოდებთ მათ, ქართველ ხალხს საჯაროდ აუხსნან, ვინმე ავალებდათ თუ არა მათ უცხო სახელმწიფოს ინტერესის სასარგებლოდ მოქმედებას და თუ კი, დაასახელონ კონკრეტული შემთხვევები. ქართული არასამთავრობო ორგანიზაციები ვმოქმედებდით, ვმოქმედებთ და ვიმოქმედებთ საკუთარი წესდებებით გათვალისწინებული მიზნების მისაღწევად, საქართველოს მოქალაქეთა ინტერესების დასაცავად და საქართველოში დემოკრატიული საზოგადოებრივი წეს-წყობილების გასაძლიერებლად",- აღნიშნულია ერთობლივ განცხადებაში, რომელსაც ხელს აწერენ: "ადამიანის უფლებათა ცენტრი", "ინფორმაციის თავისუფლების განვითარების ინსტიტუტი", "მმართველობის მონიტორინგის ცენტრი", "მრავალპარტიული დემოკრატიის ცენტრი", "მწვანე ალტერნატივა", "საბჭოთა წარსულის კვლევის ლაბორატორია", "პლატფორმა სალამ", "სამართლიანი არჩევნებისა და დემოკრატიის საერთაშორისო საზოგადოება", "სამოქალაქო საზოგადოების ფონდი", "საფარი", "საქართველოს ახალგაზრდა იურისტთა ასოციაცია", "საქართველოს დემოკრატიული ინიციატივა", "საქართველოს ევროპული ორბიტა", "საქართველოს რეფორმების ასოციაცია", "საქართველოს სასამართლოს გუშაგი", "სოციალური კვლევისა და ანალიზის ინსტიტუტი", "სოციალური სამართლიანობის ცენტრი", "ქალთა ინიციატივის მხარდამჭერი ჯგუფი", "წამების მსხვერპლთა ფსიქოსოციალური რეაბილიტაციის ცენტრი", Tbilisi Pride, "საერთაშორისო გამჭვირვალობა - საქართველო".
ესტონეთი რუსეთთან საზღვარს 1 დეკემბერს დახურავს თავდაცვის ქარხანაში მომხდარი დივერსიის გამო.
უკრაინამ რუსეთის ერთ-ერთ უდიდეს ნავთობქიმიურ ქარხანას შეუტია, ტაგანროგში ელექტროსადგური დაბომბა
16 ნოემბერს, ღამის საათებში, ქეთევან დედოფლის გამზირზე საავტომობილო მოძრაობა სრულად გადაიკეტება
ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
უკრაინა და რუსეთი 3000-მდე სამხედრო ტყვეს გაცვლას გეგმავენ
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



