|
2024-03-08 14:26:32, 878 ნახვა
პოლიტიკა
დავითულიანი - გვყავს რამდენიმე NGO, რომლებიც პირდაპირ მონაწილეობენ პოლიტიკაში და ამავდროულად ფინანსდებიან საერთაშორისო ფონდებისგან
ფაქტია, რომ ხდება არასამთავრობო სექტორის ნაწილის ინსტრუმენტალიზაცია ზოგიერთი ოპოზიციური პარტიის მხრიდან. ჩვენ გვყავს არასამთავრობო სექტორის სახელით ცნობილი რამდენიმე NGO, რომლებსაც აქვთ მსუყე დაფინანსება, პირდაპირ, უშუალოდ მონაწილეობენ პოლიტიკაში და ამავდროულად ფინანსდებიან საერთაშორისო ფონდებისგან,- ამის შესახებ საპარლამენტო უმრავლესობის წევრმა, ბექა დავითულიანმა ჟურნალისტებთან განაცხადა. დავითულიანის თქმით, „დაფინანსების პრობლემა არ არის, თუმცა თუ არასამთავრობო სექტორს სურს, საქმიანობდეს, როგორც პოლიტიკური პარტია, ამ შემთხვევაში, რეგულაციის მიხედვით, უცხოური ფონდიდან დაფინანსებას არ უნდა იღებდეს". „დაფინანსების პრობლემა კი არ არის, უბრალოდ თუ არასამთავრობო ორგანიზაცია გქვია, უნდა მოიპოვებდე გრანტებს უცხოური ფონდებიდან, მაგრამ თუ გინდა პოლიტიკურ პარტიად საქმიანობდე, როგორც პოლიტიკური პარტია, იქ სრულიად სხვა რეგულაციებია და უცხოური ფონდიდან დაფინანსებას არ უნდა იღებდე. ჩვენთან ეს არის აღრეული, რაც ცუდია როგორც პოლიტიკისთვის, ცუდია პირველ რიგში, არასამთავრობო სექტორისთვის იმიტომ, რომ ზიანდება არასამთავრობო სექტორი, როდესაც ხდება მისი პოლიტიკურ ინსტრუმენტად გამოყენება და ეს რომ ხდება ფაქტია“,-აღნიშნა დავითულიანმა. მისივე თქმით, „არიან კონკრეტული პოლიტიკოსები, რომლებიც იღებენ საერთაშორისო დაფინანსებას და პოლიტიკური მიზნები გააჩნიათ". „ჩვენ ვიცით კონკრეტული პოლიტიკოსები, რომლებიც იღებენ საერთაშორისო დაფინანსებას, პოლიტიკური მიზნები გააჩნიათ, ამბობენ, რომ ხელისუფლება უნდა შეცვალონ. შეცვალონ არა როგორც დემოკრატიული პროცესის ხელშეწყობის მიზნით, არამედ უნდა შეცვალონ და მოიყვანონ მათთვის მისაღები და მათი თანამზრახველი პარტიები ხელისუფლებაში. ეს განაცხადა მაგალითად ეკა გიგაურმა პირდაპირ ოპოზიციური მიტინგიდან. თქვა, რომ არასამთავრობო ორგანიზაციებმა უნდა დავაკომპლექტოთ დროებითი მთავრობა. გამოვიდა და პირდაპირ თქვა - ჩვენ ვიღებთ პასუხისმგებლობას და პოლიტიკური მიზანი გაგვაჩნია. ამის მერე ის აგრძელებს დაფინანსების მიღება. ჩვენ ვიცით სხვა პოლიტიკური პარტიის წევრებიც, რომლებიც ასევე იღებენ დაფინანსებას და ირიბად ფინანსდება საერთაშორისო ფონდებიდან, ეს არის ფაქტი“,- განაცხადა ბექა დავითულიანმა.
ესტონეთი რუსეთთან საზღვარს 1 დეკემბერს დახურავს თავდაცვის ქარხანაში მომხდარი დივერსიის გამო.
უკრაინამ რუსეთის ერთ-ერთ უდიდეს ნავთობქიმიურ ქარხანას შეუტია, ტაგანროგში ელექტროსადგური დაბომბა
16 ნოემბერს, ღამის საათებში, ქეთევან დედოფლის გამზირზე საავტომობილო მოძრაობა სრულად გადაიკეტება
ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
უკრაინა და რუსეთი 3000-მდე სამხედრო ტყვეს გაცვლას გეგმავენ
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



