2024-01-11 18:49:52, 679 ნახვა
მსოფლიო
პიტერ სიიარტო და დმიტრო კულება ორბანისა და ზელენსკის შეხვედრის საკითხს განიხილავენ
უნგრეთის საგარეო საქმეთა მინისტრი პიტერ სიიარტო უკრაინელ კოლეგასთან, დმიტრო კულებასთან უკრაინის ქალაქ უჟგოროდში შეხვედრას გამართავს. ამის შესახებ ინფორმაციას უკრაინული მედია ავრცელებს.
მოლაპარაკებები, რომელიც 29 იანვარს არის დაგეგმილი მონაწილეობას ასევე მიიღებს უკრაინის პრეზიდენტის ოფისის ხელმძღვანელი ანდრეი ერმაკი.
როგორც სიიარტო აღნიშნავს, სხვა საკითხებთან ერთად, შეხვედრის მონაწილეები ვიქტორ ორბანისა და ვოლოდიმირ ზელენსკის შეხვედრის მომზადებას განიხილავენ.
„ყველაფერი თუ კარგად წარიმართება, არის დადასტურებული თარიღი 29 იანვარი, ჩვენ შევხვდებით უკრაინელ კოლეგასთან, მინისტრ კულებასთან უჟგოროდში, რათა ვნახოთ, შესაძლებელია თუ არა, რომ მაღალი დონის შეხვედრა სიტუაციას დაეხმაროს“, - განაცხადა სიიარტომ.
ავტორი: ექსპრესნიუსი,
epn.ge (@expressnews.ge)
