2023-12-28 22:23:03, 866 ნახვა
მსოფლიო
დონალდ ტუსკი კიევში ვიზიტს გეგმავს
პოლონეთის ახალმა პრემიერ-მინისტრმა, დონალდ ტუსკმა საზღვარზე პოლონელი გადამზიდველების პროტესტის კითხვის პასუხად განაცხადა, რომ ის უკრაინაში ვიზიტს გეგმავს.
ტუსკის თქმით, ომის გამო ვითარება დრამატულია, თუმცა მანვე აღნიშნა, რომ ის ყველაფერს გააკეთებს, რაც შესაძლებელია, რათა პოლონელ გადამზიდველებს ცხოვრება გაუმარტივოს.
„ცოტა უხერხულია ამაზე ლაპარაკი, რადგან ვიცი სიტუაცია, რომელშიც იმყოფება პრეზიდენტი ზელენსკი და მთელი უკრაინა. არასწორია კიევში ჩასვლა და მთელი ვიზიტის პოლონეთის ტრანსპორტის საკითხებისთვის მიძღვნა. მაგრამ ამ ვიზიტს ისე მოვამზადებთ, რომ პრეზიდენტ ზელენსკისთან ჩემი შეხვედრის დროს გასაგები იყოს, რისი მიღწევა გვსურს", - განაცხადა ტუსკმა.
ავტორი: ექსპრესნიუსი,
epn.ge (@expressnews.ge)
