2023-12-28 14:14:13, 918 ნახვა
მსოფლიო
უკრაინის სასაზღვრო სამსახური - შავ ზღვაში სამოქალაქო გემი რუსულ ნაღმზე აფეთქდა
შავ ზღვაში პანამის დროშის ქვეშ მცურავი სამოქალაქო გემი რუსულ ნაღმზე აფეთქდა. ამის შესახებ ინფორმაციას უკრაინული მედია ქვეყნის სახელმწიფო სასაზღვრო სამსახურზე დაყრდნობით ავრცელებს.
სასაზღვრო სამსახურის ცნობით, აფეთქების შედეგად 2 მეზღვაური დაშავდა.
"ერთ დაშავებულ მეზღვაურს დახმარება ადგილზე გაუწიეს, მეორე კი უახლოეს სამედიცინო დაწესებულებაში გადაიყვანეს",- წერს მედია.
მათივე ცნობით, გემი მარცვლეულის ჩასატვირთად დუნაის ერთ-ერთი პორტისკენ მიემართებოდა. აფეთქების შედეგად გემმა დაკარგა სიჩქარე და კონტროლი, ხანძარი გაჩნდა ზედა გემბანზე. წყალდიდობის თავიდან ასაცილებლად კაპიტანმა გემი მიწაზე დააფიქსირა.
ავტორი: ექსპრესნიუსი,
epn.ge (@expressnews.ge)
