|
2023-12-13 17:18:46, 1826 ნახვა
პოლიტიკა
ევროპარლამენტმა ევროკავშირის გაფართოების შესახებ რეზოლუცია დაამტკიცა
ევროპარლამენტმა დაამტკიცა რეზოლუცია, რომელიც მხარს უჭერს საქართველოს კანდიდატის სტატუსს და ევროკავშირში გაწევრიანების მოლაპარაკებების დაწყებას უკრაინის, მოლდოვასა და ბოსნია და ჰერცეგოვინისთვის. რეზოლუციას მხარი 468-მა ევროპარლამენტარმა დაუჭირა, 99 წინააღმდეგ წავიდა, ხოლო 58-მა თავი შეიკავა. "ევროპარლამენტარები მოუწოდებენ ევროპულ საბჭოს, 14-15 დეკემბერს სხდომაზე გადაწყვიტოს უკრაინისა და მოლდოვას რესპუბლიკასთან გაწევრიანების მოლაპარაკებების დაწყება. ასევე გარკვეული ნაბიჯების გადადგმის შემთხვევაში, ისინი აცხადებენ, რომ გაწევრიანებაზე მოლაპარაკებები ბოსნია და ჰერცეგოვინასთან უნდა დაიწყოს, ხოლო საქართველოს უნდა მიენიჭოს კანდიდატის სტატუსი", - აღნიშნულია რეზოლუციაში. აღსანიშნავია ასევე, რომ ევროპარლამენტარებმა დაგმეს უნგრეთის პრემიერ-მინისტრის, ვიქტორ ორბანის განცხადებებიც. "ევროპარლამენტარები მკაცრად გმობენ უნგრეთის პრემიერ-მინისტრის, ვიქტორ ორბანის განცხადებებს უკრაინასთან მოლაპარაკებების დაწყებისათან დაკავშირებით, რომელიც ხელს უშლის ევროკავშირის გაფართოების პროცესს", - ვკითხულობთ რეზოლუციაში. შეგახსენებთ, 8 ნოემბერს, ევროკომისიამ გაფართოების შესახებ ანგარიში გამოაქვეყნა, სადაც აღნიშნულია, რომ ევროკომისია ევროპულ საბჭოს მიმართავს რეკომენდაციით, საქართველოს ევროკავშირის კანდიდატი ქვეყნის სტატუსი მიენიჭოს, ხოლო უკრაინა და მოლდოვა კი მოლაპარაკებების ეტაპზე გადავიდნენ. აღსანიშნავია, რომ ევროკომისიამ საქართველოსთვის კანდიდატის სტატუსის მინიჭების რეკომენდაცია 9 დათქმით გასცა:
ესტონეთი რუსეთთან საზღვარს 1 დეკემბერს დახურავს თავდაცვის ქარხანაში მომხდარი დივერსიის გამო.
უკრაინამ რუსეთის ერთ-ერთ უდიდეს ნავთობქიმიურ ქარხანას შეუტია, ტაგანროგში ელექტროსადგური დაბომბა
16 ნოემბერს, ღამის საათებში, ქეთევან დედოფლის გამზირზე საავტომობილო მოძრაობა სრულად გადაიკეტება
ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
უკრაინა და რუსეთი 3000-მდე სამხედრო ტყვეს გაცვლას გეგმავენ
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



