|
2023-12-12 15:34:10, 1000 ნახვა
პოლიტიკა
ბაქრაძე - პრეზიდენტის ღონისძიება დეპოლარიზებაში ვერ დაგვეხმარება, მონაწილეობის მიღებას არ ვაპირებ
ღონისძიებაზე მოწვევა მივიღე. მთლიანობაში, პრეზიდენტის კამპანიას, რომ ქართველი ერის ხმა მიაწოდოს ევროკავშირს, რა თქმა უნდა, მხარს ვუჭერ, მაგრამ მიმაჩნია, რომ ეს კონკრეტული ღონისძიება ვერ შეასრულებს იმ ამოცანას, რაც მას აკისრია, - ამის შესახებ პარლამენტის ყოფილმა თავმჯდომარემ, დავით ბაქრაძემ განაცხადა. ბაქრაძის თქმით, ღონისძიებაში მონაწილეობის მიღებას არ აპირებს. "ღონისძიებაზე მოწვევა მივიღე. მთლიანობაში, პრეზიდენტის კამპანიას, რომ ქართველი ერის ხმა მიაწოდოს ევროკავშირს, რა თქმა უნდა, მხარს ვუჭერ, მაგრამ მიმაჩნია, რომ ეს კონკრეტული ღონისძიება ვერ შეასრულებს იმ ამოცანას, რაც მას აკისრია. ის ვერანაირად ვერ დაგვეხმარება დეპოლარიზებაში და პირიქით. ვინაიდან, ერთი მხრივ, ამ ღონისძიებაში არ მონაწილეობენ ყოფილი თანამდებობის ძალიან მნიშვნელოვანი პირები, ფიგურები - ისეთები, როგორებიც არიან ყოფილი პრეზიდენტები. დეპოლარიზების ნაცვლად, პირიქით გამოჩნდება, თუ როგორი დაპირისპირება და უფსკრულია ქართულ პოლიტიკაში. მიმაჩნია, რომ ამ ფორმით ეს ღონისძიება საკუთარ ფუნქციას ვერ შეასრულებს და ამიტომ, მასში მონაწილეობის მიღებას არ ვაპირებ", - განაცხადა ბაქრაძემ. შეგახსენებთ, პრეზიდენტი სალომე ზურაბიშვილი აცხადებს, რომ 13 დეკემბერს, „ჩვენი ხმა ევროპას“ ფარგლებში შეგროვებული ხელმოწერები დიპლომატიურ კორპუსს გადაეცემა. პრეზიდენტმა ევროკავშირის ქვეყნებში მცხოვრები ქართული დიასპორის წარმომადგენლებთან ტელეხიდის საშუალებით გამართულ შეხვედრაზე იმედი გამოთქვა, რომ ღონისძიებას საქართველოს ხელისუფლების წევრებიც დაესწრებიან. ზურაბიშვილის პეტიციაზე - "ჩვენი ხმა ევროპას" ხელმოწერების შეგროვება ნოემბრის დასაწყისში, მას შემდეგ დაიწყო, რაც ევროკომისიამ საქართველოსთვის კანდიდატი ქვეყნის სტატუსის მინიჭებაზე დადებითი რეკომენდაცია გასცა. პეტიციაზე ხელმოწერით საქართველოს მოქალაქეები ევროპის ლიდერებს მიმართავენ, რომ დეკემბერში ქვეყანას კანდიდატის სტატუსი მიანიჭონ. პეტიციაზე ხელმოწერა შესაძლებელია, როგორც ონლაინ, ისე ორბელიანების სასახლეში მისვლით. პეტიციაზე ხელის მოსაწერად შეგიძლიათ ეწვიოთ ბმულს.
ესტონეთი რუსეთთან საზღვარს 1 დეკემბერს დახურავს თავდაცვის ქარხანაში მომხდარი დივერსიის გამო.
უკრაინამ რუსეთის ერთ-ერთ უდიდეს ნავთობქიმიურ ქარხანას შეუტია, ტაგანროგში ელექტროსადგური დაბომბა
16 ნოემბერს, ღამის საათებში, ქეთევან დედოფლის გამზირზე საავტომობილო მოძრაობა სრულად გადაიკეტება
ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
უკრაინა და რუსეთი 3000-მდე სამხედრო ტყვეს გაცვლას გეგმავენ
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



