მინდა გითხრათ, „ნაციონალურმა მოძრაობამ“ საქართველოს და ქართველ ხალხს მოუტანა 7 ნოემბერი, ჩვენმა ხელისუფლებამ და ქართველმა ხალხმა საქართველოს მოვუტანეთ 8 ნოემბერი. ეს არის ნათელი განსხვავება იმ ბოროტ ძალასა და ნათელს შორის, სინათლეს, პროგრესსა და ქვეყნის ინტერესებს შორის,- ამის შესახებ საპარლამენტო უმრავლესობის წევრმა, ალუდა ღუდუშაურმა ჟურნალისტებთან განაცხადა. 

ღუდუშაური ევროკომისიის დათქმების შესახებ ოპოზიციის განცხადებებს აფასებს და აღნიშნავს, რომ „ოპოზიცია აღარ არსებობს და მათ ქმედებებს საერთო არაფერი აქვს ქვეყნის ინტერესებთან“.

„ოპოზიცია აღარ არსებობს. ესენი არიან საკუთარი ქვეყნის მტრულად განწყობილი, ხელმოცარული, ე.წ. პოლიტიკოსები. მათ ქმედებებს საერთო არაფერი აქვთ ქვეყნის ინტერესებთან. ბუნებრივია გავაგრძელებთ ამ ახალ რეკომენდაციებზე მუშაობას ისე აქტიურად, როგორც ეს მანამდე გავაკეთეთ. ჩვენი მთავარი სულისკვეთებაა, გადავდგათ თამამი, პრინციპული ნაბიჯები იმისთვის, რომ ქვეყნის პროგრესი იყოს შეუქცევადი და ჩვენი საბოლოო მიზანი, რაც არის ევროპულ დიდ ოჯახში გაწევრება, იყოს მიღწეული.  მე ეჭვიც არ მეპარება იმაში, რომ ოპოზიცია მორიგ ჯერზე უარს იტყვის საკუთარი ქვეყნის და ხალხის ინტერესების გატარებაზე. ესენი კვლავაც დარჩებიან ბოიკოტის რეჟიმში, როგორც აქამდე უწოდებენ მათ ამ მდგომარეობას, მაგრამ მათი ეს მდგომარეობა სინამდვილეში არა ბოიკოტი, არამედ რეალურად არის სუბრეალური მდგომარეობა. ესენი მოწყვეტილი არიან რეალობას, მოწყვეტილი არიან საკუთარი ქვეყნის და ხალხის ინტერესებს.  ოპოზიცია არის დასრულებული. მე ვულოცავ ჩვენს ქვეყანას და ხალხს, რომ ამ ისტორიული, სამართლიანი გადაწყვეტილების შედეგად, ჩვენ გადავდგით კიდევ ერთი მნიშვნელოვანი ნაბიჯი“,- განაცხადა ალუდა ღუდუშაურმა.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს