დროებით ოკუპირებული აფხაზეთის გულრიფშის რაიონში დივერსიული ჯგუფის ყოფნის შესახებ ინფორმაცია არ დადასტურდა. 

ამის შესახებ "ეხო კავკაზა" ე.წ. უსაფრთხოების სამსახურზე დაყრდნობით წერს.

"აფხაზეთის სახელმწიფო უსაფრთხოების სამსახურმა, თავდაცვის სამინისტროსთან, სახელმწიფო უსაფრთხოების სამსახურსა და შინაგან საქმეთა სამინისტროსთან ერთად, 8-9 ნოემბერს განახორციელა სპეციალური ღონისძიებები, რომელიც გულრიფშის რაიონში, აზანტას დასახლებასთან, შეიაღებული პირების არსებობაზე ოპერატიულ ინფორმაციას ამოწმებდა. 

გადაიკეტა კრიტიკულ ინფრასტრუქტურულ ობიექტებთან მისასვლელი გზები, გაძლიერდა უსაფრთხოების ზომები და დაზვერვა. განხორციელებული აქტივობებიდან გამომდინარე, ინფორმაცია არ დადასტურდა",- ნათქვამია ე.წ. სახელმწიფო უსაფრთხოების სამსახურის განცხადებაში.

შეგახსენებთ, გუშინ, 9 ნოემბერს დროებით ოკუპირებული აფხაზეთის ე.წ. შინაგან საქმეთა სამინისტრომ ასევე გაავრცელა ინფორმაცია, რომ რეგიონის ტერიტორიაზე დივერსანტების შეღწევის შესახებ ინფორმაცია არ დასტურდებოდა.

უფრო ადრე, 8 ნოემბერს კი, ოკუპირებული აფხაზეთის ე.წ. შინაგან საქმეთა სამინისტროს ხელმძღვანელმა, რობერტ კიუტმა "რია ნოვოსტს" განუცხადა, რომ "უსაფრთხოების ძალები" გულრიფშის რაიონის მთებში შეიარაღებულ ადამიანებს ეძებდნენ მას შემდეგ, რაც სოფელ აზანტას მახლობლად, ადგილობრივმა მონადირეებმა "ყოველგვარი საიდენტიფიკაციო ნიშნების გარეშე", 7 შეიარაღებული პირი შენიშნეს. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს