თბილისის საქალაქო სასამართლომ „ავერსის“ კლინიკიდან პატიმრების გაქცევის საქმეზე დანაშაულის შეუტყობინებლობის ბრალდებით დაკავებული, გაქცეული პატიმრის ძმას, ავთანდილ თათარაშვილს 3 000-ლარიანი გირაო შეუფარდა.

საქმის პროკურორის, ლაშა ამირანაშვილის განცხადებით, ავთანდილ თათარაშვილმა გაქცეული პატიმრები ტანსაცმლით, საკვებით, ღამის გასათევით და მობილური ტელეფონით უზრუნველყო.

"გახლავთ დაკავებული დანაშაულის შეუტყობინებლობის ბრალდებით. უზრუნველყო ისინი [გაქცეული პატიმრები] ტანსაცმლით, საკვებით, ღამის გასათევით და ასევე, მობილური ტელეფონით. ტელეფონში გახლავთ იმის დამადასტურებელი ინფორმაცია, რომ კომუნიკაცია იყო შემდგარი ბრალდებულსა და მსჯავრდებულებს შორის", - განაცხადა ამირანაშვილმა.

შეგახსენებთ, "ავერსის" კლინიკადან 3 პატიმარი 1-ელ ნოემბერს გაიქცა. 2 ნოემბერს, სამივე გაქცეული დააკავეს.

ამავე დღეს, სამართალდამცველების მიერ საბადრაგო ჯგუფის უფროსის, ივერი ნატროშვილის დაკავებაც მოხდა. მას 3 ნოემბერს, პროკურატურამ ბრალი წარუდგინა, 4 ნოემბერს კი, თბილისის საქალაქო სასამართლომ აღკვეთის ღონისძიებად პატიმრობა შეუფარდა.

4 ნოემბერს, პატიმრების გაქცევის საქმეზე შეუტყობინებლობის ბრალდებით გაქცეული პატიმრის ძმის, ავთანდილ თათარაშვილის დაკავება მოხდა.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა