|
2023-10-07 11:45:49, 848 ნახვა
საზოგადოება
კონკურსის „შეაჩერე პლასტმასით დაბინძურება“ გამარჯვებულები დააჯილდოვეს
გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა, CENN-ის მიერ ორგანიზებულ კონკურსში „შეაჩერე პლასტმასით დაბინძურება“ გამარჯვებულების დაჯილდოების ღონისძიებაში მიიღო მონაწილეობა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. „გარემოს დაცვისა და სოფლის მეურნეობის სამინისტროს პოლიტიკის პარალელურად, ძალიან მნიშვნელოვანია არასამთავრობო ორგანიზაციებისა და კერძო სექტორის ჩართულობა ისეთ ღონისძიებებში, რომელიც ნარჩენების მართვის მიმართულებით საზოგადოების ცნობიერების ამაღლებას უწყობს ხელს. ევროკავშირთან ასოცირების შეთანხმება, მდგრადი განვითარების მიზნები და საერთაშორისო სტრატეგიები, რომლებსაც უერთდება საქართველო, მწვანე ეკონომიკის განვითარებას ითვალისწინებს. კონკურსი „შეაჩერე პლასტმასით დაბინძურება” კიდევ ერთხელ ამახვილებს საზოგადოების ყურადღებას დაბინძურების შემცირების აუცილებლობაზე იმისათვის, რომ ნაკლები ნარჩენი მოხვდეს ნაგავსაყრელზე და მათი უმეტესობა ხელმეორედ გადამუშავდეს, ასევე კონკურსი წაახალისებს კომპანიებს მწვანე ეკონომიკის ზრდის განვითარების მიმართულებით”, - აღნიშნა სოლომონ პავლიაშვილმა. კონკურსი „შეაჩერე პლასტმასით დაბინძურება“ მიზნად ისახავდა ხელი შეეწყო ნარჩენების მართვის საკითხებში სხვადასხვა სექტორის ჩართულობასა და სამომხმარებლო მიდგომების კუთხით ცნობიერების ამაღლებას. მონაწილეებმა ერთჯერადი პლასტმასის შესამცირებლად მდგრადობის სტრატეგიები, მწვანე შესყიდვების დოკუმენტები და ქცევის ცვლილებებზე ორიენტირებული მიდგომები შეიმუშავეს. კონკურსში მონაწილეობას იღებდნენ კერძო სექტორის, სამოქალაქო საზოგადოების, ნორვეგიისა და აშშ-ის საელჩოების წარმომადგენლები, ასევე, საქართველოს ფერმერთა ასოციაცია, სასტუმრო შერატონ გრანდ მეტეხი პალასი, სილქ ჰოსფითალითი, საჩხერის ახალგაზრდული ცენტრი, ეროვნული დემოკრატიული ინსტიტუტი (NDI), პოლტ საქართველო, საქართველოს მშვიდობის კორპუსი, APM Terminals ფოთი.
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
ნიკოლოზ ღუნაშვილის დედა: რატომ გრძელდება ბრალდებულის სამედიცინო დაწესებულებაში ყოფნა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



