|
2023-10-06 10:36:51, 1117 ნახვა
საზოგადოება
სასამართლომ შსს-ს 20 ივნისს დაშავებული ჟურნალისტისთვის, ეკა აბაშიძისთვის მორალური ზიანის ანაზღაურება დააკისრა
2019 წლის 20 ივნისის აქციის დარბევისას დაზარალებულმა ჟურნალისტმა, ეკა აბაშიძემ შინაგან საქმეთა სამინისტროს სასამართლოში დავა მოუგო. აღნიშნულის შესახებ ეკა აბაშიძე "ფეისბუქზე" წერს. აბაშიძის განცხადებით, სასამართლომ შსს-ს 3 000 ლარის ოდენობით მორალური ზიანის ანაზღაურება დააკისრა. მისივე თქმითვე, სასამართლოს გადაწყვეტილების აღსრულება, შეიძლება, გაიწელოს, რადგან სავარაუდოდ, შსს მას გაასაჩივრებს. "ალბათ, გახსოვთ, რომ 2019 წლის 20 ივნისს ორივე მკლავში თითო ტყვია მომხვდა. ადგილზე ვიმყოფებოდი ჟურნალისტის რანგში - იმ პერიოდში ვიყავი საინფორმაციო სააგენტო “ინტერპრესნიუსის” რეპორტიორი. დღეს ამ შემთხვევაზე გამოცხადდა გადაწყვეტილება - 3 000 ლარის ოდენობით მორალური ზიანის ანაზღაურება დაეკისრა საქართველოს შინაგან საქმეთა სამინისტროს. ჩემს საქმეზე მე და საია, რომელიც ჩემი უფლებადამცველია, ვითხოვდით 25 000 ლარს (დიდი მადლობა მათ გვერდში დგომისთვის!). 4 წლის განმავლობაში თითოეულ წინგადადგმულ ნაბიჯს თვეები მიჰქონდა, დაზარალებულადაც შემთხვევიდან, დაახლოებით, 2 წელიწადში მაღიარეს (მადლობა ტელეკომპანია "იმედსაც" ამ კადრის გადაღებისთვის. შსს-ს თითიდან გამოწოვილი მიზეზებით სასამართლო პროცესი რამდენჯერმე გადაიდო, თუმცა როგორც იქნა გავედით ფინალში. ბევრი ფიქრის შემდეგ გადაწყვეტილი მაქვს, რომ ამ “თანხის” აღებაზე უარი არ ვთქვა - ბოლობოლო, იმას მაინც მივაღწიეთ, რომ “რაღაცის” აღიარება მოხდა და ამ ქვეყანაში პროპორციულობის გადმოსახედიდან საუბარს უკვე აღარც ვთვლი ადეკვატურად ჩემი მხრიდან. ამ სიტუაციაში ახლა ღიმილისმომგვრელად ის მეჩვენება, რომ უდიდესი შანსია, რომ ამ გადაწყვეტილებას კვლავ თავად შსს გაასაჩივრებს, ისევ აღსრულების გაწელვისთვის. ახსნა-განმარტების დროს სასამართლოზე ვთქვი და აქაც დავწერ - ბევრჯერ მიფიქრია, რომ კიდევ გადავრჩი და მერე დამიფიქსირებია, რომ ეს პარადოქსია - არა, არ "გადავრჩენილვარ", უბრალოდ სხვებთან შედარებით ასე გამოიყურება. დაზარალებული ჟურნალისტების ისევე, როგორც მოქალაქეების საქმეზე კვლავ ველით გადაწყვეტილებას ევროპული სასამართლოდან",- წერს აბაშიძე.
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
ნიკოლოზ ღუნაშვილის დედა: რატომ გრძელდება ბრალდებულის სამედიცინო დაწესებულებაში ყოფნა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



