19:08 - 17 Nov, 2026
ჩვენ შესახებ რეკლამა/ხელმოწერა
2023-09-30 15:13:34, 778 ნახვა

საზოგადოება
განათლების სამინისტრო სკოლის მოსწავლის მიმართ ბულინგზე - აუდიტმა მოკვლევა დაიწყო

გელათის საჯარო სკოლაში მე-9 კლასელის მიმართ სოციალურ ქსელში გავრცელებულ ბულინგთან დაკავშირებით საქართველოს განათლებისა და მეცნიერების სამინიტრო განცხადებას ავრცელებს. 

უწყების ცნობით, საქმეში ჩართულია სამინისტროს შესაბამისი სტრუქტურული ერთეულები, მათ შორის მანდატურის სამსახურის ფსიქოსოციალური მომსახურების ცენტრი.

მათივე ინფორმაციით, სამინისტროს შიდა აუდიტმა უკვე დაიწყო მოკვლევა და შესაძლო გადაცდომის ფაქტებს სწავლობს.

"საზოგადოებას გვსურს ვაცნობოთ, რომ ფაქტის გახმაურებისთანავე პროცესში ჩაერთო საქართველოს განათლებისა და მეცნიერების სამინისტროს ყველა შესაბამისი სტრუქტურული ერთეული, მათ შორის მანდატურის სამსახურის ფსიქოსოციალური მომსახურების ცენტრი და ფსიქოლოგები უკვე მუშაობენ როგორც ბავშვებთან, ასევე მათ მშობლებთან.

აქვე გაცნობებთ, რომ სამინისტროს შიდა აუდიტმა უკვე დაიწყო მოკვლევა და სწავლობს სკოლის დირექტორის, ან ადმინისტრაციის სხვა წარმომადგენლების მხრიდან შესაძლო გადაცდომის ფაქტებს.

როგორც მოგეხსენებათ, იმერეთის ერთ-ერთ საჯარო სკოლაში მოსწავლის მიმართ ბულინგის საქმეზე შინაგან საქმეთა სამინისტრომ უკვე გამოძიება დაიწყო.

საქართველოს განათლებისა და მეცნიერების სამინისტრო ჩართულია საკითხის ყველა ასპექტის შესწავლაში". - აღნიშნავენ უწყებაში. 

ცნობისთვის, სოციალურ ქსელში გამოქვეყნდა პოსტი, სადაც მომხმარებელმა მუქარის შემცველი წერილი გაავრცელა. მისივე თქმით, მე-9 კლასელ ბავშვს თანაკლასელები ემუქრებოდნენ და ჩაგრავდნენ.

შსს-ს ინფორმაციით, გავრცელებულ ბულინგთან დაკავშირებით გამოძიება 150-ე მუხლითაა დაწყებული, რაც იძულებას გულისხმობს. 





ავტორი: ექსპრესნიუსი,


სოციალური ქსელები
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
ნიკოლოზ ღუნაშვილის დედა: რატომ გრძელდება ბრალდებულის სამედიცინო დაწესებულებაში ყოფნა
40+ პროექტი, 500 000-ზე მეტი ბენეფიციარი - გაეცანით საქართველოს ბანკის მიერ შექმნილ განათლების შესაძლებლობებს
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics