კახა კალაძე - რა არის ცუდი იმაში, რომ ადამიანი, ვთქვათ, მიმტანად მუშაობდა? პირიქით

2023-09-29 13:48:36, 500 ნახვა

პოლიტიკა

რა არის ცუდი იმაში, რომ ადამიანი, ვთქვათ, მიმტანად მუშაობდა? პირიქით, - ასე უპახუხა თბილისის მერმა, კახა კალაძემ ჟურნალისტის კითხვას, რომლის თანახმად, ვის უნდა დაუჯეროს საზოგადოებამ - პრემიერ-მინისტრ ირაკლი ღარიბაშვილს, რომელიც ამბობს, რომ შეძლებული ოჯახიდანაა, თუ ბიძინა ივანიშვილს, რომელმაც ღარიბაშვილის წარდგენისას განაცხადა, რომ ის გარკვეული პერიოდი მიმტანად მუშაობდა.

„რა არის ცუდი იმაში, რომ ადამიანი, ვთქვათ, მიმტანად მუშაობდა? პირიქით. მაგალითად, ჩემმა შვილმა რომ დაიწყოს მიმტანად მუშაობა, ამაში ცუდი რა არის, ეს ხომ არ ნიშნავს, რომ ჩემი შვილი არ არის შეძლებული ოჯახიდან?

მე, მაგალითად, არ ვიყავი შეძლებული ოჯახიდან და რასაც მივაღწიე, ჩემი შრომით მივაღწიე, შევქმენი, გავაკეთე და ნამდვილად მეამაყება ჩემი წარსული და ის, რომ მაქვს დღეს იმის შესაძლებლობა, მივხედო ჩემს ოჯახს, დავეხმარო ჩემს შვილებს, მეგობრებს, ახლობლებს, ვისაც უჭირს. ასე მიცხოვრია და ასე ვაპირებ პირადად მე ცხოვრებას მომავალშიც“, - განაცხადა კახა კალაძემ.

ავტორი: NS (სტატია დაფინანსებულია),