|
2023-09-29 13:39:33, 701 ნახვა
საზოგადოება
ნინო თანდილაშვილი სამხრეთ კავკასიაში EBRD-ის რეგიონულ დირექტორს შეხვდა
ნარჩენების მართვის, კლიმატის ცვლილების შედეგად წარმოქმნილი გამოწვევებისა და სარწყავი სისტემის განვითარების საკითხებზე იმსჯელეს გარემოს დაცვისა და სოფლის მეურნეობის მინისტრის პირველმა მოადგილემ, ნინო თანდილაშვილმა და სამხრეთ კავკასიაში ევროპის რეკონსტრუქციისა და განვითარების ბანკის (EBRD) ახალმა რეგიონულმა დირექტორმა, ალკის ვრიენიოს დრაკინოსიმ გაცნობითი ხასიათის შეხვედრაზე. ამის შესახებ ინფორმაციას სოფლის მეურნეობის სამინისტრო ავრცელებს. უწყების ცნობით, საუბარი ასევე შეეხო მხარეებს შორის სამომავლო თანამშრომლობის პერსპექტივებს. ნინო თანდილაშვილმა სამხრეთ კავკასიაში EBRD-ის ახალ რეგიონულ დირექტორს საქმიანობის დაწყება მიულოცა და წარმატებები უსურვა. „დიდი გამოცდილების მქონე ევროპის რეკონსტრუქციისა და განვითარების ბანკთან სხვადასხვა მიმართულებით ნაყოფიერად ვთანამშრომლობთ. განსაკუთრებული ყურადღება მინდა გავამახვილო ნარჩენების მართვის კუთხით თანამშრომლობაზე. ჩვენ გვაქვს მიმდინარე პროექტი, რომელიც სახიფათო ნარჩენების მართვას უკავშირდება. აღნიშნული პროექტი ძალიან მნიშვნელოვანია, ვინაიდან, მოგეხსენებათ, რომ სახიფათო ნარჩენების მართვა კავშირშია საზოგადოების ჯანმრთელობასთან, გარემოს დაცვასთან, სოფლის მეურნეობის სექტორში მიმდინარე ღონისძიებებთან. აქედან გამომდინარე, უმნიშვნელოვანესია ქვეყანაში სახიფათო ნარჩენების ეფექტიანი მართვა და საუკეთესო საერთაშორისო პრაქტიკის გაზიარება. ჩვენს გუნდთან ერთად აქტიურად ვმუშაობთ; გვქონდა გარკვეული გამოწვევები, თუმცა ამ გამოწვევებთან გასამკლავებლად ყველაფერი გავაკეთეთ და დღეს პროცესი კარგად მიმდინარეობს. ერთი მხრივ, ეს არის ეროვნული საკითხი, მეორე მხრივ კი, მნიშვნელოვანია ევროინტეგრაციის გზაზე ნაკისრი ვალდებულებების შესრულების კუთხით. ღია ვართ ახალი შესაძლებლობების მისაღებად და პარტნიორობისთვის. იმედი გვაქვს, მომავალში ევროპის რეკონსტრუქციისა და განვითარების ბანკთან ჩვენი თანამშრომლობა კიდევ უფრო გაძლიერდება“, - განაცხადა ნინო თანდილაშვილმა. ევროპის რეკონსტრუქციისა და განვითარების ბანკის (EBRD) ახალმა რეგიონულმა დირექტორმა ალკის ვრიენიოს დრაკინოსიმ საქართველოს მხარდაჭერა გამოუცხადა და განსაკუთრებული ყურადღება სამომავლო თანამშრომლობის საკითხებზე გაამახვილა. შეხვედრას EBRD-ის ასოცირებული დირექტორი თეა მელიქაძე და კლიმატის საკითხებში EBRD-ის რეგიონული ხელმძღვანელი კონსტანტინე კინწურაშვილი ესწრებოდნენ.
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
ნიკოლოზ ღუნაშვილის დედა: რატომ გრძელდება ბრალდებულის სამედიცინო დაწესებულებაში ყოფნა
40+ პროექტი, 500 000-ზე მეტი ბენეფიციარი - გაეცანით საქართველოს ბანკის მიერ შექმნილ განათლების შესაძლებლობებს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



