|
2023-09-28 17:28:18, 790 ნახვა
საზოგადოება
თბილისში საშვილოსნოს ყელის კიბოს პრევენციის რეგიონული ალიანსის ფორუმი გაიმართა
თბილისში საშვილოსნოს ყელის კიბოს პრევენციის აღმოსავლეთ ევროპისა და ცენტრალური აზიის რეგიონული ალიანსის რიგით მე-3 ფორუმი გაიმართა. აღნიშნულის შესახებ ინფორმაციას თბილისის მერია ავრცელებს. მერიის ცნობით, ფორუმში თბილისის მერიის ჯანდაცვისა და სოციალური მომსახურების საქალაქო სამსახურის უფროსმა გელა ჩივიაშვილმა, ეროვნული სკრინინგ ცენტრის ხელმძღვანელმა ეთერ კიღურაძემ და ამავე ცენტრის სხვა წარმომადგენლებმა მიიღეს მონაწილეობა. ღონისძიების მონაწილეებს გელა ჩივიაშვილმა სიტყვით მიმართა და დედაქალაქის მუნიციპალიტეტის ჯანდაცვის პოლიტიკის ასპექტებზე გაამახვილა ყურადღება. ასევე, აღნიშნა, რომ ეროვნულ სკრინინგ ცენტრში, მუნიციპალიტეტმა საპილოტე რეჟიმში დააფინანსა HPV ტესტირების პროცესი. „თბილისის მერია, საშვილოსნოს ყელის კიბოს პრევენციის მიზნით, მნიშვნელოვნად მიიჩნევს HPV ტესტირებას გარკვეული ასაკობრივი კატეგორიის ქალებში, როგორც თანამედროვე და ზუსტ დიაგნოსტიკას. ტესტირება 2021 წელს 1 000 ქალს ჩაუტარდა. იმის გარდა, რომ HPV ტესტი გაცილებით ზუსტ სურათს იძლევა საშვილოსნოს ყელის დაზიანებებისა და კიბოს რისკის შესახებ, მისი ჩატარება PAP ტესტისგან განსხვავებით, რომელიც სამ წელიწადში ერთხელ ტარდება, ხუთ წელილადში ერთხელ იქნება საკმარისი, რაც მოგეხსენებათ, ფსიქოლოგიური ფაქტორიდან გამომდინარე გაცილებით კომფორტულია“, - განაცხადა ჯანდაცვისა და სოციალური მომსახურების საქალაქო სამსახურის უფროსმა. ფორუმის მონაწილეებმა დეტალურად განიხილეს საშვილოსნოს ყელის კიბოს სკრინინგ პროგრამის ადგილობრივი სპეციფიკა, მიღწევები და ის შედეგები, რაც სამომავლო განვითარების წინაპირობას წარმოადგენს. ღონისძიებაში მონაწილე ქვეყნების წარმომადგენლებს საშუალება ჰქონდათ, გაეზიარებინათ საშვილოსნოს ყელის კიბოს სკრინინგის შედეგები და გამოწვევები, ესაუბრათ HPV ვაქცინაციასა და პროგრამის მენეჯმენტზე. ფორუმი გაერო-ს მოსახლეობის ფონდისა (UNFPA) და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მხარდაჭერით იმართება. ალიანსი აღმოსავლეთ ევროპისა და ცენტრალური აზიის რეგიონის 17 ქვეყნის საშვილოსნოს ყელის კიბოს პრევენციის საკითხებზე მომუშავე წამყვანი ორგანიზაციების მრავალსექტორულ გუნდებს აერთიანებს და მისი მიზანი საშვილოსნოს ყელის კიბოს, როგორც საზოგადოებრივი ჯანდაცვის პრობლემის აღმოფხვრის, რეგიონული სტრატეგიის შემუშავებაა. აღსანიშნავია, რომ დღეისთვის, თბილისის მერიის „დაავადებათა სკრინინგის“ პროგრამის ფარგლებში, 25-60 წლის ჩათვლით ასაკის ქალებში PAP–ტესტი, საჭიროების შემთხვევაში, კოლპოსკოპია, ბიოფსიური მასალის აღება და ჰისტოლოგიური კვლევა პაციენტის მხრიდან თანაგადახდის გარეშე, უფასოდ ტარდება.
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
ნიკოლოზ ღუნაშვილის დედა: რატომ გრძელდება ბრალდებულის სამედიცინო დაწესებულებაში ყოფნა
40+ პროექტი, 500 000-ზე მეტი ბენეფიციარი - გაეცანით საქართველოს ბანკის მიერ შექმნილ განათლების შესაძლებლობებს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



