05:31 - 14 Jul, 2024
ჩვენ შესახებ რეკლამა/ხელმოწერა
2023-09-18 23:59:14, 486 ნახვა

პოლიტიკა
მამულაშვილი სუს-ზე - ქართული ლეგიონი დიდ ზიანს აყენებს რუსეთის ჯარს, საქართველოს მთავრობას ეს აწუხებს

ქართული ლეგიონი არის ყველაზე დიდი უცხოური ფორმირება და ყოველდღე საკმაოდ დიდ ზიანს აყენებს რუსეთის ჯარს, ეს არის შემაწუხებელი ფაქტი საქართველოს მთავრობისთვის და იღებენ დირექტივას, რომ რამენაირად გვებრძოლონ, - ასე გამოეხმაურა ქართული ლეგიონის მეთაური მამუკა მამულაშვილი სუს-ის ინფორმაციას, საქართველოში "დესტაბილიზაცია და სამოქალაქო არეულობის მოწყობის" შესახებ.

როგორც მამულაშვილი აღნიშნავს, მმართველი პარტია ცდილობს დისკომფორტი შეუქმნას იმ ქართველებს, რომლებიც უკრაინაში რუსეთის წინააღმდეგ იბრძვიან, რათა მათი დემოტივაცია მოხდეს, რაც მისივე თქმით ვერ მოხდება.

"ქართველი მებრძოლებისთვის საკმაოდ მძიმეა ასეთ პირობებში ბრძოლა და ცდილობენ, დისკომფორტი შეგვიქმნან, რომ უსაფრთხოდ არ იგრძნონ ოჯახებმა თავი. უნდათ, რომ ამან იმოქმედოს ადამიანების შემართებაზე. სინამდვილეში, ეს ადამიანები, ვინც აქ ჩამოვიდნენ, მზად არიან თავის გასაწირად და მე ეჭვი მეპარება, რომ მათი დემოტივაცია შეიძლება მოხდეს ასეთი მეთოდებით, თუმცა რუსული მთავრობა ეცდება ყველაფერს, რომ მოხდეს დემოტივაცია. უმთავრესი მიზეზი არის ის, რომ ქართული ლეგიონი არის ყველაზე დიდი უცხოური ფორმირება და ყოველდღე საკმაოდ დიდ ზიანს აყენებს რუსეთის ჯარს. ეს არის ყველაზე შემაწუხებელი ფაქტი საქართველოს მთავრობისთვის და იღებენ დირექტივას, რომ რამენაირად გვებრძოლონ", - განაცხადა მამულაშვილმა ტელეკომპანია "ფორმულასთან" საუბრისას.

შეგახსენებთ, დღეს, 18 სექტემბერს სახელმწიფო უსაფრთხოების სამსახურმა გაავრცელა განცხადება, სადაც ნათქვამია, რომ ხელისუფლების ძალადობრივი გზით შეცვლ​ის მიზნით, გარკვეული ჯგუფი ოქტომბერ-დეკემბერში არეულობას და დესტაბილიზაციას გეგმავს. სუს-ის მტკიცებით, გეგმის ავტორები საქართველოს ყოფილი შინაგან საქმეთა მინისტრის, ვანო მერაბიშვილის მოადგილე და ამჟამად უკრაინის სამხედრო დაზვერვის ხელმძღვანელის მოადგილე გიორგი ლორთქიფანიძე, მესამე პრეზიდენტ მიხეილ სააკაშვილის დაცვის ყოფილი წევრი მიხეილ ბატურინი და უკრაინაში მოქმედი „ქართული ლეგიონის“ მეთაური მამუკა მამულაშვილი არიან.




ავტორი: ექსპრესნიუსი,


სოციალური ქსელები
ხვიჩია - უზრა ზეიამ ის პრობლემები დაასახელა, რაც ჩვენ ისედაც ვიცით
კობახიძე - როგორც არ უნდა დაჯგუფდეს, თუ გადაჯგუფდეს ოპოზიცია, ჩვენს გამარჯვებას საფრთხე ვერ შეექმნება
დაგეგმილი ღონისძიების გამო, რესპუბლიკის მოედანზე მოძრაობა რამდენიმე საათით შეიზღუდება
ავჭალაში, ალექსანდრე მანაგაძის 4 ჩიხში, სკვერის რეაბილიტაცია დაიწყება

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics