ირაკლი კობახიძე არის ერთ-ერთი როგორც ძალიან მაღალი რანგის პოლიტიკოსი, ისე ძალიან გულწრფელი ადამიანი. შესაბამისად, მის სინანულში ეჭვი არავის უნდა ეპარებოდეს,- ამის შესახებ "ქართული ოცნების" დეპუტატმა, ბექა ოდიშარიამ განაცხადა.

როგორც ოდიშარიამ მედიის წარმომადგენლებთან საუბრისას აღნიშნა, მმართველი პარტიის ხელმძღვანელმა "შეცდომაზე ვაჟკაცურად და ღირსეულად" ისაუბრა.

"ირაკლი კობახიძე არის ერთ-ერთი როგორც ძალიან მაღალი რანგის პოლიტიკოსი, ისე ძალიან გულწრფელი ადამიანი. შესაბამისად, მის ამ სინანულში ეჭვი არავის უნდა ეპარებოდეს და მით უმეტეს, მე არ მეპარება, რადგან ძალიან კარგად ვიცნობ ამ ადამიანს. ამ ფონზე, როდესაც ხელში გაჩეჩებენ რაღაც სურათს, შეიძლება მოხდეს და ადამიანმა დაუშვა შეცდომა, რაზეც ვფიქრობ, კობახიძემ ვაჟკაცურად და ღირსეულად ისაუბრა. სიტყვა სინანული, მე ვფიქრობ, არის ძალიან მაღალი ღირსების აღმნიშვნელი",- აცხადებს ოდიშარია. 

შეგახსენებთ, 14 აგვისტოს "ქართული ოცნების" თავმჯდომარემ, ირაკლი კობახიძემ არასწორი და "წარმოუდგენელი ტყუილი" უწოდა ინფორმაციას, რომლის მიხედვითაც, შოვში, სტიქიის დროს ერთ-ერთი ბავშვი სამი საათი ებრძოდა ღვარცოფს.

მმართველი პარტიის თავმჯდომარისთვის, რომელიც ასევე გამოეხმაურა ერთ-ერთი გადარჩენილის, დავით ჯელაძის ისტორიას, გაუგებარი იყო, რატომ გახდა საჭირო ერთი ნაპირიდან მეორეზე გადასვლა", როცა "უფრო უსაფრთხო იყო იმ ნაპირზე დარჩენა". 

აღსანიშნავია, რომ კობახიძის ამ განცხადებას იმავე დღესვე გამოეხმაურა სტიქიურ უბედურებას გადარჩენილი დავით ჯელაძე და თქვა, რომ "ქართული ოცნების" თავმჯდომარემ გადარჩენილებს შეურაცხყოფა მიაყენა.

გუშინ, 16 აგვისტოს, ირაკლი კობახიძე შოვში, სტიქიის ზონაში კიდევ ერთხელ ჩავიდა და მედიასთან გაკეთებული კომენტარის დროს აღნიშნა, რომ დავით ჯელაძეს შეხვდა და მისგან პირადად მოისმინა ისტორია, რომელიც შოვში გადახდათ.

მმართველი პარტიის თავმჯდომარემ აღნიშნა, რომ "გამოხატავს სინანულს", რომ დავით ჯელაძეს "გული ატკინა". 

ავტორი: ექსპრესნიუსი,

სოციალური ქსელები

16 ნოემბერს, ღამის საათებში, ქეთევან დედოფლის გამზირზე საავტომობილო მოძრაობა სრულად გადაიკეტება

ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ

მეუფე იობი - ნიღბების ჩამოხსნის პროცესი დაიწყო, ვინ ვინ არის გამოჩნდა

საქართველო რუსეთის გვერდის ავლით სატრანსპორტო დერეფანს ავითარებს: ანაკლიის პორტამდე რკინიგზა აშენდება