|
2023-08-11 16:00:44, 1144 ნახვა
საზოგადოება
გარემოსდაცვითი ზედამხედველობის დეპარტამენტი - გამოვლენილი დარღვევების გამო, შპს „ამბიკონ სტილსს“ საქმიანობის უფლება აღარ აქვს
ქუთაისში მოქმედ შპს „ამბიკონ სტილსზე“ გაცემული გარემოსდაცვითი გადაწყვეტილება გარემოს დაცვისა და სოფლის მეურნეობის სამინისტროს მიერ ძალადაკარგულად გამოცხადდა. აღნიშნულ ინფორმაციას გარემოსდაცვითი ზედამხედველობის დეპარტამენტი ავრცელებს. უწყების ცნობით, ინსპექტირების საფუძველზე გამოვლენილია არაერთი დარღვევა. "შპს „ამბიკონ სტილსის“ კუთვნილი მეტალურგიული ქარხნის ინსპექტირება გარემოსდაცვითი ზედამხედველობის დეპარტამენტის თანამშრომლების მიერ არაერთხელ განხორციელდა. ინსპექტირების საფუძველზე გამოვლენილია არაერთი დარღვევა. კომპანია საქმიანობას ახორციელებდა გარემოსდაცვითი გადაწყვეტილების პირობებისა და გადაწყვეტილებით დადგენილი ტექნოლოგიური ციკლის დარღვევით, ასევე აირმტვერდამჭერი მოწყობილობების გამოყენების გარეშე და არ გააჩნდა ატმოსფერულ ჰაერში მავნე ნივთიერებათა გაფრქვევის დადგენილი ნორმები, რაც საფრთხეს უქმნიდა გარემოს და ადამიანების ჯანმრთელობას. გარემოსდაცვითი ზედამხედველობის დეპარტამენტის თანამშრომლების მიერ შედგენილი ოქმების საფუძველზე, შპს „ამბიკონ სტილსი“ ქუთაისის სასამართლომ არაერთხელ სცნო სამართალდამრღვევად: 2019 წელს სასამართლოს დადგენილებით კომპანიას 5 ათასი ლარის ოდენობის ჯარიმის, ასევე ატმოსფერულ ჰაერში მავნე ნივთიერებათა გაფრქვევის ნორმების გარეშე საქმიანობის შედეგად გამოანგარიშებული გარემოსთვის მიყენებული ზიანის ანაზღაურება დაეკისრა. 2021 წელს სასამართლომ „ამბიკონ სტილსი“ 15 ათასი ლარით დააჯარიმა, 2022 წელს კი - 45 ათასი ლარით. ასევე კომპანიას უდგინდებოდა გონივრული ვადა დარღვევების აღმოსაფხვრელად. კომპანიას ადმინისტრაციული მიწერილობით განსაზღვრულ ვადებში დარღვევების აღმოფხვრაზე არ უზრუნია. შესაბამისად, გარემოს დაცვისა და სოფლის მეურნეობის სამინისტრომ კომპანიაზე გაცემული გარემოსდაცვითი გადაწყვეტილება ძალადაკარგულად გამოაცხადა. აღსანიშნავია, რომ გარემოს დაცვისა და სოფლის მეურნეობის სამინისტროს შესაბამისი უწყებები აქტიურად თანამშრომლობენ ბიზნესსექტორთან, რათა მათ შეძლონ ეფექტიანი ოპერირება, რაც ქვეყნის ეკონომიკის წინსვლისთვის მნიშვნელოვანია. თუმცა, ამავდროულად, კომპანიები ვალდებული არიან შეასრულონ კანონით განსაზღვრული მოთხოვნები, საქმიანობის პროცესში გარემოზე უარყოფითი ზემოქმედების მაქსიმალურად შემცირებისთვის. ეფექტიანი გარემოსდაცვითი კონტროლის განხორციელების გზით, გარემოს მავნე ზემოქმედებისაგან დაცვა და ადამიანის ჯანმრთელობისათვის უსაფრთხო გარემოს შენარჩუნება გარემოსდაცვითი ზედამხედველობის დეპარტამენტისთვის პრიორიტეტია. შესაბამისად, დეპარტამენტის უფლებამოსილი პირები, რეგულარულად აკონტროლებენ ქვეყანაში მოქმედ საწარმოებს და გამოვლენილ თითოეულ სამართალდარღვევაზე შესაბამის რეაგირებას ახდენენ",- ნათქვამია ინფორმაციაში.
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
მამა ლევანი ჯიქური კორუფციაზე: ამდენი წურბელა რომ გეყოლება ქვეყანაში, რამდენს აიტანს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



