როგორც ჩანს, მკურნალობა აღარ სჭირდება,- ამის შესახებ ანტიდასავლური მოძრაობა "ხალხის ძალის" წარმომადგენელმა, გურამ მაჭარაშვილმა მესამე პრეზიდენტთან, მიხეილ სააკაშვილთან დაკავშირებით განაცხადა.

როგორც მაჭარაშვილმა მედიის წარმომადგენლებთან საუბრისას აღნიშნა, "ვივამედმა" - კლინიკამ, სადაც ექსპრეზიდენტი მკურნალობს, უნდა თქვას, რომ სააკაშვილს მკურალობა აღარ სჭირდება, რის შემდეგაც მას სასჯელაღსრულების დაწესებულებაში გადაიყვანენ.

"სამკურნალოდ არ სჭირდება ამ ადამიანს [მიხეილ სააკაშვილს] გადაყვანა. ამბობს, რომ მე ვარ პოლიტიკაში - არა მხოლოდ ქართულშიო, არამედ მსოფლიო პოლიტიკაშიო. როგორც ჩანს, მკურნალობა აღარ სჭირდება. მე დიდი ხანია ვამბობ, რომ კლინიკა "ვივამედმა" თქვას, რომ აღარ სჭირდება მკურნალობა და გადავიდეს ციხეში. პატიმარი სააკაშვილი არც კვდება და არც აწამებენ. თუ პოლონელი ექიმები დაარწმუნებენ სააკაშვილს, რომ ქართულ პოლიტიკაში და საერთოდ პოლიტიკაში აღარ იყოს, ამ შემთხვევაში შეიძლება მადლიერებიც დავრჩეთ",- ამბობს მაჭარაშვილი.

ცნობისთვის, გუშინ, 12 ივლისს პოლონელი მედიკოსები კლინიკა "ვივამედში" ექსპრეზიდენტ მიხეილ სააკაშვილის მოსანახულებლად შევიდნენ.

ავტორი: ექსპრესნიუსი,

სოციალური ქსელები

ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ

მეუფე იობი - ნიღბების ჩამოხსნის პროცესი დაიწყო, ვინ ვინ არის გამოჩნდა

საქართველო რუსეთის გვერდის ავლით სატრანსპორტო დერეფანს ავითარებს: ანაკლიის პორტამდე რკინიგზა აშენდება

Bloomberg: აშშ-ის სამხედრო კონტინგენტის შემცირება ევროპაში შესაძლოა მოსალოდნელზე ნაკლები იყოს