ვანკუვერში ეუთოს საპარლამენტო ასამბლეის 30-ე ყოველწლიური სესია გაიმართა. სესიის ფარგლებში მიღებულ იქნა დეკლარაცია, რომელშიც საქართველოზეც არის საუბარი.

დოკუმენტის თანახმად, 2008 წლიდან რუსეთის ფედერაციის მიერ საქართველოს ტერიტორიის ოკუპაციის გამო, ეუთოს საპარლამენტო ასამბლეა ღრმა შეშფოთებას გამოთქვამს და მოუწოდებს რუსეთს, სამხედრო ძალები საქართველოს ოკუპირებული რეგიონებიდან დაუყოვნებლივ და უპირობოდ გაიყვანოს.

„ეუთო მოუწოდებს რუსეთს, საქართველოს ოკუპირებული ტერიტორიებიდან სამხედრო ძალები დაუყოვნებლივ და უპირობოდ გაიყვანოს. საჭიროა, გაგრძელდეს აქტიური ჩართულობა რუსეთის ფედერაცია-საქართველოს კონფლიქტის მშვიდობიანი მოგვარების საქმეში, საქართველოს დამოუკიდებლობის, სუვერენიტეტისა და ტერიტორიული მთლიანობის სრული პატივისცემით, მის საერთაშორისოდ აღიარებულ საზღვრებში“,- ნათქვამია დოკუმენტში.

დეკლარაციაში ასამბლეა უთითებს, რომ ეუთო რუსეთის მიერ საქართველოს ოკუპირებულ რეგიონებში, აფხაზეთსა და ცხინვალში ჰუმანიტარული და ადამიანის უფლებების მდგომარეობის გაუარესებას გმობს. ასევე, ორივე ოკუპირებულ რეგიონში ქართული კულტურული მემკვიდრეობის ძეგლებიდან ქართული ნიშნების წაშლასა და შეცვლას, როგორც რუსეთის მუდმივი ოკუპაციისა და „რუსიფიკაციის“ პოლიტიკის პირდაპირ შედეგს.

ცნობისთვის, ვანკუვერში ეუთოს საპარლამენტო ასამბლეის 30-ე ყოველწლიური სესია 30 ივნისიდან 4 ივლისამდე პერიოდში მიმდინარეობდა.

ავტორი: ექსპრესნიუსი,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური