თბილისის მერის კახა კალაძის განცხადებით, საქართველოს ხელისუფლება ყველაფერს აკეთებს და მომავალშიც გააკეთებს, რათა ქვეყანამ ევროკავშირის წევრობის კანდიდატის სტატუსი მიიღოს.

როგორც მან შესაბამისი შეკითხვის საპასუხოდ განაცხადა, 2012 წლიდან მოყოლებული ევროინტეგრაციის გზაზე წინგადადგმული ყველა ნაბიჯი „ქართული ოცნების“ დამსახურებაა, ქვეყნის მოსახლეობასთან ერთად.

„რაც შეეხება 12-პუნქტიანი გეგმის შესრულებას, დღეს ძალიან ვრცელი პრეზენტაცია გაკეთდა ყველა პუნქტთან დაკავშირებით, თუ რა სამუშაოები იქნა შესრულებული. ძალიან მნიშვნელოვანია, რომ საზოგადოებას ჰქონდეს სრული ინფორმაცია, რადგან ხშირად ხდება მანიპულაცია აღნიშნულთან დაკავშირებით. საქართველოს ხელისუფლება ყველაფერს აკეთებს და მომავალშიც გააკეთებს იმისთვის, რომ სტატუსი მივიღოთ. ზოგადად, თუ რაიმე წარმატება გვაქვს ევროინტეგრაციის გზაზე, ყველაფერი უკავშირდება „ქართული ოცნების“ მმართველობის პერიოდს. 2012 წლიდან მოყოლებული, ყველა წინგადადგმული ნაბიჯი ევროინტეგრაციის გზაზე - ეს არის იმ გუნდის დამსახურება, რომელსაც „ქართული ოცნება“ ჰქვია, რა თქმა უნდა, ჩვენი ქვეყნის მოსახლეობასთან ერთად“, - აღნიშნა კახა კალაძემ.

რაც შეეხება პროცესში ოპოზიციის წარმომადგენლების ჩართულობას, თბილისის მერი აცხადებს, რომ ხელისუფლება ამას მხოლოდ მიესალმება.  

„არაერთხელ გამოვთქვით მზაობა და მივესალმებით მათ ჩართულობას, თუ ამის ნება იქნება, რადგან არსებობს კონკრეტული საკითხები, რომელსაც მხოლოდ ხელისუფლება ვერ შეასრულებს. ამიტომ, თუ მათი მხრიდან ჩართულობის გადაწყვეტილება იქნება მიღებული, ამას მხოლოდ და მხოლოდ მივესალმებით“, - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური