უკრაინა ისრაელს საჰაერო თავდაცვის სისტემების გადაცემას  სთხოვს, - ამის შესახებ უკრაინის საგარეო საქმეთა მინისტრმა, დმიტრო კულებამ ონლაინ ბრიფინგზე განაცხადა.

როგორც კულებამ აღნიშნა, ისრაელისთვის ოფიციალური ნოტა გაიგზავნება.

„დღეს უკრაინა გაუგზავნის ოფიციალურ ნოტას ისრაელის მთავრობას თხოვნით, სასწრაფოდ მიაწოდოს უკრაინას საჰაერო თავდაცვის სისტემები და დაიწყოს მაღალი ხარისხის თანამშრომლობა უკრაინის მიერ შესაბამისი ტექნოლოგიების შეძენასთან დაკავშირებით“, - განაცხადა კულებამ.

საგარეო საქმეთა მინისტრის თქმით, უკრაინა ისრაელს დიდი ხანია მოუწოდებს, საჰაერო თავდაცვის სფეროში თანამშრომლობისთვის გაიხნას. 

"ჩვენ დიდი ხანია დაჟინებით მოვუწოდებთ ისრაელს, გახსნილიყო უკრაინასთან საჰაერო თავდაცვის სფეროში თანამშრომლობისთვის. ჩვენ ვერ ვხედავთ რამე ობიექტურ მიზეზებს, თუ რატომ არ უნდა მოხდეს ეს, მაგრამ ეს არ ხდება. თქვენ იცით, რომ ირანი არის წითელი ხაზი ისრაელისთვის. მას შემდეგ, რაც ირანი არსებითად გახდა უშუალო თანამონაწილე უკრაინის წინააღმდეგ აგრესიის, ვფიქრობ, ისრაელში ნებისმიერს, ვინც ჯერ კიდევ ყოყმანობს, დაეხმაროს უკრაინას თუ არა, ეს ყოყმანი უნდა შეწყვიტოს", - აღნიშნა კულებამ.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება