2022-10-13 12:09:17, 866 ნახვა
მსოფლიო
მაკრონი - საფრანგეთი არ გამოიყენებს ბირთვულ იარაღს რუსეთის წინააღმდეგ, თუ ის მსგავსი შეიარაღებით უკრაინას დაარტყამს
საფრანგეთი არ გამოიყენებს ბირთვულ იარაღს რუსეთის წინააღმდეგ, თუ ის მსგავსი შეიარაღებით უკრაინას მიაყენებს დარტყმას, - ამის შესახებ საფრანგეთის პრეზიდენტმა, ემანუელ მაკრონმა განაცხადა.
როგორც მაკრონმა France 2-თან ინტერვიუში აღნიშნა, საფრანგეთის ბირთვული დოქტრინა ერის ფუნდამენტურ ინტერესებს ეყრდნობა და მკაფიოდ არის განსაზღვრული.
„უკრაინაზე ბირთვული სარაკეტო შეტევა რომ განხორციელებულიყო, ეს ინტერესები კითხვის ნიშნის ქვეშ არ დადგებოდა“, - თქვა მაკრონმა.
შეგახსენებთ, რომ 21 სექტემბერს, რუსეთის პრეზიდენტი მთელ მსოფლიოს ბირთვული იარაღით დაემუქრა. ვლადიმერ პუტინის თქმით, რუსეთი „გამოიყენებს ყველა შესაძლო საშუალებას, ეს ბლეფი არ არის“.
ავტორი: ექსპრესნიუსი,
epn.ge (@expressnews.ge)
