ევროკავშირი 15 000 უკრაინელ სამხედრო მოსამსახურეს გაწვრთნის. ჯარისკაცების მოსამზადებლად ორი ოპერატიული ცენტრი გერმანიასა და პოლონეთში განლაგდება. აღნიშნულ ინფორმაციას გერმანული მედია ავრცელებს.

მედიის ცნობით, უკვე მიღებულია გადაწყვეტილება, რომლის მიხედვითაც შესაბამისი მოდულები და სტრუქტურები სწრაფად უნდა შეიქმნას. საწვრთნელი მისიის მანდატი კი, ორწლიანი იქნება.

სწავლების მიზანია, რომ უკრაინამ „დამოუკიდებლად განახორციელოს საბრძოლო ოპერაციები ტერიტორიული მთლიანობისა და სუვერენიტეტის დასაცავად“.

ევროკავშირის საწვრთნელი მისიის შესახებ გადაწყვეტილება 17 ოქტომბერს, ევროკავშირის საგარეო საქმეთა მინისტრების შეხვედრაზე დამტკიცდება.

გარდა ამისა, როგორც გერმანული მედია წერს, ევროკავშირს ასევე სურს, უახლოეს თვეებში უკრაინის სამხედრო დახმარება მნიშვნელოვნად გაზარდოს.

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა