|
2022-09-14 14:23:47, 965 ნახვა
საზოგადოება
გლდანის რაიონში, ლიბანის სკვერის რეაბილიტაცია დასრულდა
თბილისის მერიის გარემოს დაცვის საქალაქო სამსახურმა გლდანის რაიონში, ლიბანის სკვერის რეაბილიტაცია დაასრულა. დასრულებულ სამუშაოებს დედაქალაქის მერი კახა კალაძე მერის მოადგილე ანდრია ბასილაიასთან ერთად გაეცნო. აღნიშნულის შესახებ ინფორმაციას თბილისის მერია ავრცელებს. უწყების ცნობით, სამუშაოების ფარგლებში, 6 000 კვადრატულ მეტრ ფართობზე, განახლდა საფეხმავლო ბილიკები, მოეწყო ველობილიკი, გარე განათებისა და ვიდეომეთვალყურეობის სისტემები, სასმელი წყლის შადრევანი, განთავსდა საპარკე ინვენტარი, ასევე, საბავშვო და სპორტული მოედნები და მოსასვენებელი პავილიონი. „დედაქალაქს კიდევ ერთი რეკრეაციული სივრცე - ლიბანის სკვერი შეემატა. გვახსოვს აქ რა მდგომარეობა იყო. დღეს კი ყველაფერი განახლებული და მოწესრიგებულია. დაირგო ხე-მცენარეები, თავისი სარწყავი სისტემით. დამონტაჟდა განათებები და ბავშვებისთვის ატრაქციონები. მოეწყო მოსასვენებელი სივრცე ყველა თაობის ადამიანისთვის. მთლიანად პროექტი დასრულებული არ არის, რადგან მიმდებარედ, სარაჯიშვილის სკვერის სამუშაოები მიმდინარეობს და რამდენიმე დღეში ისიც დასრულდება. წლის ბოლოსთვის კი სარაჯიშვილის გამზირზე არსებული შუა ზოლი მთლიანდ მოწესრიგდება და ამ პროექტის სახით, ერთი დიდი რეკრეაციული სივრცე გამოვა, რაც ადგილობრივებისთვის ძალიან მნიშვნელოვანი იქნება“, - განაცხადა კახა კალაძემ. „აღნიშნულ სკვერში ჩატარდა გამწვანებისთვის საჭირო ყველა ღონისძიება: დაირგო 349 ძირი სხვადასხვა სახეობის მწვანე ნარგავი. მოეწყო სარწყავი სისტემა 4 509 კვადრატულ მეტრ ფართობზე, დაითესა ბალახი და ტერიტორიაზე შევიდა ნოყიერი მიწის ნაზავი. ლიბანის სკვერის სარეაბილიტაციო სამუშაოების ღირებულება 1 226 211 ლარს შეადგენს. დედაქალაქის მერთან ერთად, ადგილზე გარემოს დაცვის საქალაქო სამსახურის უფროსი გიგა გიგაშვილი, გლდანის გამგებლის მოვალეობის შემსრულებელი ზურაბ ქაშიაშვილი და რაიონის მაჟორიტარი დეპუტატი კონსტანტინე ზარნაძე იმყოფებოდნენ“,- აღნიშნულია ინფორმაციაში.
კობახიძე- საჯარო პოლემიკა სასულიერო პირსა და ხელისუფლებას შორის, დამაზიანებელია როგორც ეკლესიისთვის, ისე ქვეყნისთვის
კალასი - რუსეთის მიმართ მოთხოვნებში რჩება საოკუპაციო ჯარების გაყვანა საქართველოდან
ბრაჟე - საქართველოს მთავრობამ გადაწყვიტა არ მიიღოს ეს სარგებელი ევროკავშირთან თანამშრომლობით, მათი არჩევანია
მარტა კოსი - ჩვენ ისევ გვჯერა საქართველოს ევროპული მომავლის, მოსახლეობის 80% მომხრეა ევროკავშირის წევრობის
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



