დიდი ბრიტანეთის ახალმა პრემიერ-მინისტრმა, ლიზ ტრასმა პირველი სატელეფონო საუბარი გამართა საფრანგეთის პრეზიდენტ ემანუელ მაკრონთან და მის პოლონელ კოლეგასთან მატეუშ მორავიეცკისთან.

როგორც  ბრიტანეთის მთავრობაში განაცხადეს, ტრასმა და მაკრონმა განიხილეს ორმხრივი ურთიერთობები და ნაბიჯები  "პუტინის უკანონო ომით გამოწვეული" ენერგეტიკული კრიზისის დასაძლევად. 

 ბრიტანეთისა და საფრანგეთის ლიდერებმა დიალოგში ყურადღება გაამახვილეს უკრაინის მხარდაჭერაზე და რეაგირებაზე ომის შედეგებზე სასურსათო უსაფრთხოებაზე და ენერგეტიკულ ფასებზე.

ტრასმა პოლონეთის პრემიერ-მინისტრთან მორავიეცკისთან ორმხრივი ურთიერთობების გაძლიერების გზები განიხილა, განსაკუთრებით უკრაინის ხალხის მხარდასაჭერად თანამშრომლობის კონტექსტში.

პოლონეთის პრემიერ-მინისტრის ოფისში აღნიშნეს, რომ საუბარი შეეხო ევროპის უსაფრთხოების საკითხებს, ნატოს აღმოსავლეთ ფლანგის გაძლიერებას, რუსეთის ენერგეტიკულ შანტაჟს და მისი შედეგების აღმოფხვრის გზებს.

შეგახსენებთ, რომ 5 სექტემბერს დიდი ბრიტანეთის კონსერვატიული პარტიის ლიდერის არჩევნებში ლიზ ტრასმა გაიმარჯვა. მეორე დღეს იგი გახდა ქვეყნის პრემიერ-მინისტრი მას შემდეგ, რაც დედოფალმა ოფიციალურად სთხოვა მას ახალი მთავრობის შექმნა.

ავტორი: ექსპრესნიუსი,

სოციალური ქსელები

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა

მე-6 პენიტენციურ დაწესებულებასთან გიორგი დავითაძის ოჯახის წევრები აქციას მართავენ, ადგილზე ხმაურიც იყო