მოლდოვას სამოქალაქო ავიაციის ადმინისტრაციამ აუკრძალა ავიაკომპანია Air Moldova-ს და სხვა ეროვნულ ავიაკომპანიებს მოსკოვში ფრენების განახლება. ამის შესახებ მოლდოვის ვიცე-პრემიერმა ანდრეი სპინუმ განაცხადა.

მისი თქმით, აკრძალვა შემოღებულ იქნა „საავიაციო უსაფრთხოების უზრუნველსაყოფად“.

ერთი დღით ადრე, Air Moldova-მა განაცხადა, რომ 1 ოქტომბრიდან განაახლებს ფრენებს კიშინიოვსა და მოსკოვს შორის. „მიღებული გადაწყვეტილება მოლდოვის რესპუბლიკის მოქალაქეების არაერთი მიმართვის შედეგია, რომლებსაც სურთ სახლში დაბრუნება ან ოჯახებთან გაერთიანება“, - აცხადებენ ავიაკომპანიაში.

მოლდოვის პარლამენტის თავმჯდომარემ, იგორ გროსუმ Air Moldova-ის განცხადებას „მანიპულაცია და დეზინფორმაცია“ უწოდა. „კომპანია, რომელიც ჯერ კიდევ რამდენიმე კრიმინალის საკუთრებაშია, მანიპულირებს და დეზინფორმაციას ახორციელებს, რათა პროვოცირება მოახდინოს და ქვეყანაში დესტაბილიზაცია მოახდინოს. ასეთი ამბების საფუძველი არ არსებობს“, - განაცხადა მან.

უკრაინაში რუსეთის შეჭრის შემდეგ მოლდოვამ შეწყვიტა საჰაერო კომუნიკაცია რუსეთის ფედერაციასთან. ასევე, რუსეთში ფრენები შეაჩერეს ევროკავშირის ქვეყნებმა, აშშ-მ, კანადამ, დიდმა ბრიტანეთმა. 2022 წლის აპრილში ევროკავშირმა დაამატა აეროფლოტი და კიდევ 20 რუსული ავიაკომპანია სახიფათო გადამზიდავების სიაში.

ავტორი: ექსპრესნიუსი,

სოციალური ქსელები

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა

მე-6 პენიტენციურ დაწესებულებასთან გიორგი დავითაძის ოჯახის წევრები აქციას მართავენ, ადგილზე ხმაურიც იყო