აშშ უკრაინას დამატებით $675 მილიონის სამხედრო დახმარებას გამოუყოფს. ინფორმაციას The Washington post-ი ამერიკელ მაღალჩინოსანზე დაყრდნობით ავრცელებს.

გამოცემის ცნობით, შეიარაღების ახალი პარტია მაღალი მობილობის საარტილერიო სარაკეტო სისტემების (HIMARS) ჭურვებს, შესაბამისი სატრანსპორტო საშუალებებს და აღჭურვილობას მოიცავს

აშშ-ის თავდაცვის მდივნის, ლოიდ ოსტინის თქმით, უკრაინის თავდაცვის მინისტრ ალექსეი რეზნიკოვთან შეხვედრაზე მათ განიხილეს კიევის შემდგომი მხარდაჭერის საკითხი რუსეთის შემოჭრის წინააღმდეგობის გაწევაში. ამასთან, ამერიკის შეერთებული შტატების დახმარების გამოყოფას უკრაინის პრეზიდენტის აპარატის უფროსმა ანდრეი ერმაკმაც დაუდასტურა. 

"ამერიკის შეერთებული შტატები უკრაინას "სამხედრო დახმარების ახალ პაკეტს" 675 მილიონ დოლარად გაუწევს, იუწყება პენტაგონი. მადლობა მოკავშირეებს", - წერს იერმაკი ტელეგრამის არხზე.

შეგახსენებთ, რომ აშშ-ის თავდაცვის სამინისტროს მონაცემებით, უკრაინაში რუსეთის შეჭრის შემდეგ, 2022 წლის 24 თებერვლიდან 24 აგვისტომდე აშშ-მა უკრაინას გაუწია დაახლოებით 12.9 მილიარდი დოლარის სამხედრო დახმარება.

ავტორი: ექსპრესნიუსი,

სოციალური ქსელები

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა

მე-6 პენიტენციურ დაწესებულებასთან გიორგი დავითაძის ოჯახის წევრები აქციას მართავენ, ადგილზე ხმაურიც იყო