|
2022-09-08 12:05:31, 1269 ნახვა
მსოფლიო
ბელარუსში „ოკუპირებული ტერიტორიების გათავისუფლების“ მიზნით სამხედრო წვრთნები დაიწყო
ბელარუსში "ოკუპირებული ტერიტორიების გასათავისუფლებლად" სამხედრო წვრთნები დაიწყო . წვრთნების მიზანი არმიის მიერ რეგიონების სავარაუდო დეოკუპაცია, ჯარების საჰაერო მხარდაჭერა, DRG-ის წინააღმდეგ ბრძოლა და საომარი მდგომარეობის რეჟიმის დაცვაა. წვრთნები ბრესტსკის პოლიგონზე, მინსკისა და ვიტებსკის რეგიონებში ჩატარდება. სწავლების ფარგლებში მთავარი ამოცანაა „მოწინააღმდეგის მიერ დროებით ხელში ჩაგდებული ტერიტორიის გასათავისუფლებლად საბრძოლო (სპეციალური) მოქმედებების ჩატარების სიმულაცია.“ „8 სექტემბერს, შეიარაღებული ძალების მომზადების გეგმის შესაბამისად, დაიწყო ბელარუსის რესპუბლიკის შეიარაღებული ძალების სამეთაურო-საშტაბო წვრთნები შეიარაღებული ძალების გენერალური შტაბის უფროსის - თავდაცვის მინისტრის პირველი მოადგილის ხელმძღვანელობით. წვრთნები14 სექტემბრამდე გაგრძელდება", - ნათქვამია თავდაცვის სამინისტროს პრესსამსახურის განცხადებაში. წვრთნების ამოცანების სიაში შედის სახელმწიფო საზღვრის კონტროლის აღდგენა ჯგუფების პასუხისმგებლობის ზონებში, ჯარების საჰაერო მხარდაჭერა, საომარი მდგომარეობის რეჟიმის უზრუნველყოფა და მტრის დივერსიული და სადაზვერვო ჯგუფებისა და უკანონო შეიარაღებული ფორმირებების წინააღმდეგ ბრძოლა. შეგახსენებთ, რომ 1 სექტემბერს უკრაინის შეიარაღებული ძალების გენერალურმა შტაბმა უკრაინის საზღვარზე ბელარუსის, რუსეთისა და CSTO-ს ქვეყნების ერთობლივი წვრთნების ჩატარების შესახებ ინფორმაცია გაავრცელა. გენერალური შტაბის მთავარი ოპერატიული დირექტორატის უფროსის მოადგილის ალექსეი გრომოვის თქმით, „გასათავისუფლებელი ტერიტორიები“ შესაძლოა უკრაინის სახელმწიფოს სამ რეგიონს გულისხმობს - ვოლინი,რივნე და ჟიტომირი.
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
მედია: ტრამპმა ზელენსკის მოუწოდა, გაბედულად იმოქმედოს რუსეთის წინააღმდეგ
ბელარუსის ოპოზიციამ უკრაინას მინსკის მიერ ომისთვის შესაძლო მზადების ნიშნების შესახებ ანგარიში გადასცა
ვიდეო/LIVE პატრიარქის ილია მეორის დაკრძალვა - პირდაპირი
ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება
დღის თემა
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|


ავტორი: ექსპრესნიუსი,



epn.ge (@expressnews.ge)