უკრაინაში რუსეთის სრულმასშტაბიანი შეჭრის მეშვიდე თვეს, G7 ქვეყნების ფინანსთა მინისტრები შეთანხმდნენ წარმოადგინონ გეგმა რუსეთიდან ნავთობის ფასის დაწესებასთან დაკავშირებით,- აღნიშნულის შესახებ ინფორმაციას The Wall Street Journal ავრცელებს.

გამოცემის ცნობით, ფასებზე შეთანხმება 2 სექტემბერს ვირტუალური შეხვედრის დროს უნდა მოხდეს.

„ვარაუდობენ, რომ ზღვრული ფასები გავრცელდება არა მხოლოდ ნავთობზე, არამედ ნავთობპროდუქტებზე, მათ შორის მაზუთზე, როგორც რუსეთის ერთ-ერთ ძირითად საექსპორტო პროდუქტზე. ამასთან, გეგმა ითვალისწინებს რუსული ნავთობის ტრანსპორტირების დაფინანსებისა და დაზღვევას აკრძალვას.

შეთანხმება ძალაში დეკემბერში შევა, მაშინ როდესაც ძალაში რუსული ნავთობის ევროპული ემბარგოც შევა.

გეგმის მიხედვით, მოიხსნება ევროკავშირის აკრძალვა ნავთობის ტრანსპორტირების დაზღვევაზე, რაც საშუალებას მისცემს ევროპულ კომპანიებს გააგრძელონ ფინანსური მომსახურება რუსული ნავთობის ტრანსპორტირებისა და გაყიდვისთვის, მაგრამ მხოლოდ დადგენილ ფასად”,- აღნიშნულია ინფორმაციაში.

შეგახსენებთ, რომ რუსულ ნავთობზე ზღვრული ფასების შემოღების იდეა ივნისის ბოლოს G7 ლიდერების სამიტზე წამოაყენეს. 

აშშ-ს ფინანსთა მინისტრმა ჯანეტ იელენმა ეს იდეა აზიის ლიდერებს გასულ თვეში საზღვარგარეთ მოგზაურობის დროს მიაწოდა, ხოლო „როიტერს“-თან საუბრისას კი აღნიშნა, რომ მას ინდოეთთან წამახალისებელი მოლაპარაკებები ჰქონდა.

„როდესაც ჩვენ თანდათანობით გამოვიყვანთ რუსეთის ენერგორესურსებს ჩვენი შიდა ბაზრებიდან, ჩვენ შევეცდებით შევიმუშაოთ გადაწყვეტილებები, რომლებიც შეამცირებს რუსეთის ნახშირწყალბადების შემოსავლებს, შეინარჩუნებს სტაბილურობას გლობალურ ენერგეტიკულ ბაზრებზე და მინიმუმამდე დააყენებს უარყოფით ეკონომიკურ შედეგებს“, - ნათქვამია G7-ის განცხადებაში.

გარდა ამისა, 31 მაისს ევროპის საბჭოს პრეზიდენტმა შარლ მიშელმა განაცხადა, რომ ევროკავშირის ქვეყნების ლიდერებმა მიაღწიეს შეთანხმებას  რუსული ნავთობის ექსპორტის აკრძალვის შესახებ. ხოლო ევროკომისიის პრეზიდენტის ურსულა ფონ დერ ლაიენის განცხადებით, ნავთობის ემბარგო ამ წლის ბოლომდე რუსეთიდან ევროკავშირის ქვეყნებში ნავთობის იმპორტის დაახლოებით 90%-ით შეამცირებს.

მოგვიანებით Bloomberg-მა გაავრცელა ინფორმაცია, რომ რუსეთი კვლავ აგრძელებს დიდი მოგების მიღებას ნავთობის გაყიდვიდან.

2022 წლის 3 ივნისს, ევროპულმა საბჭომ მიიღო გადაწყვეტილება რუსეთისა და ბელორუსის წინააღმდეგ სანქციების მეექვსე პაკეტის დაწესებაზე, რამაც კიდევ უფრო უნდა შეზღუდოს კრემლის შესაძლებლობა უკრაინაში ომის დაფინანსებისთვის.

2 აგვისტოს ცნობილი გახდა, რომ თუ რუსეთი არ გაითვალისწინებს ნავთობის ფასის ზღვარს, ხოლო G7 ქვეყნები განიხილავენ რუსული ნავთობის ტრანსპორტირების სრული აკრძალვის დაწესებას იმ ვარიანტებს შორის, რომლებიც მოსკოვს უზარმაზარ შემოსავალს წაართმევს უკრაინის.

ევროკავშირი გეგმავს 2023 წლისთვის რუსეთიდან ნედლი და დახვეწილი ნავთობის საზღვაო იმპორტის აკრძალვას. ხოლო შეერთებულ შტატებსა და მის მოკავშირეებს სურთ რუსეთის ნავთობის ფასი ბარელზე 40-დან 60 დოლარამდე შეზღუდონ.

ავტორი: ექსპრესნიუსი,

სოციალური ქსელები

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან