ატომური ენერგიის საერთაშორისო სააგენტოს ( IAEA ) მისია გაემგზავრა ზაპოროჟიეს ატომურ ელექტროსადგურზე, მიუხედავად იმისა, რომ რუსეთის ჯარებმა ენერგოდარის დაბომბვა დაიწყეს,- აღნიშნულის შესახებ ინფორმაციას Reuters-ი ავრცელებს.

როგორც სააგენტოს გენერალურმა მდივანმა რაფაელ გროსიმ აღნიშნა, მისიამ იცის "რაიონში გაზრდილი სამხედრო აქტივობა", მაგრამ დამკვირვებლები შუა გზაზე გაჩერებას არ აპირებენ.

„ამ სფეროში არის გაზრდილი სამხედრო აქტივობა. სადაც აქამდე მივედით, ჩვენ არ გავჩერდებით”,- განაცხადა გროსიმ.

შეგახსენებთ, რომ გაეროს ატომური ენერგიის საერთაშორისო სააგენტოს (IAEA) ექსპერტთა 14-კაციანი ჯგუფი ატომურ ელექტროსადგურზე გუშინ ჩავიდა.

როგორც IAEA-ს ხელმძღვანელმა რაფაელ გროსიმ ჟურნალისტებისთვის მიცემულ კომენტარში აღნიშნა, ელექტროსადგურზე ექსპერტები "რამდენიმე დღის" გატარებას გეგმავენ.

ამასთან, ქალაქის მერის დმიტრო ორლოვის განაცხადებით, დღეს დილით რუსმა ოკუპანტებმა ენერგოდარი დაბომბეს.

მისი თქმით, დაზარალდა საცხოვრებელი კორპუსები, კერძო სახლები კოოპერატივებში გარეუბნებში, ასევე სპეციალიზებული სამედიცინო და სანიტარული განყოფილების მისაღები ოთახი, მაღაზია და საბავშვო ბაღები.

ავტორი: ექსპრესნიუსი,

სოციალური ქსელები

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს