რუსეთმა დღეს ცეცხლი გაუხსნა ენერგოდარს, სადაც IAEA-ს მისია უნდა ჩავიდეს, დაზიანდა ენერგოდარის საკრებულოს შენობა,- ამის შესახებ ნიკოპოლის სამხარეო სამხედრო ადმინისტრაციის ხელმძღვანელმა ევგენი ევტუშენკომ განაცხადა.

მისივე თქმით, დაბომბვის მიზანია IAEA-სთვის შესაბამისი სურათის შექმნა და ადგილობრივი მოსახლეობის ჯგუფის ჩამოყალიბება, რომლებიც მისიის წარმომადგენლებს აცნობებენ ნიკოპოლიდან ქალაქის სავარაუდო დაბომბვას. 

„გახსოვს შორტებში ჯვარცმული ბიჭი? ეს იგივე, მხოლოდ ახლა ცდილობენ ენერგოდარის მოსახლეობას „ტრუსები“ ჩააცვან. პროვოკაციებით შექმნილი ვითარება სახიფათოა, რადგან ნებისმიერ მომენტში რუსებს შეუძლიათ ჰაუბიცების შემობრუნება ჩვენს მიმართულებით. იყავით ფრთხილად და, თუ ეს შესაძლებელია, მოერიდეთ ღია დარბაზებს”,- წერს ევტუშენკო.

ცნობისთვის, გაეროს ატომური ენერგიის საერთაშორისო სააგენტოს (IAEA) ექსპერტთა 14-კაციანი ჯგუფი კიევში გუშინ ჩაფრინდა. 

შეგახსენებთ, რომ 25 აგვისტოს ისტორიაში პირველად, ზაპოროჟიეს ატომური ელექტროსადგური გაჩერდა, ზაპოროჟიესა და ხერსონის რეგიონების ნაწილი ელექტროენერგიის გარეშე დარჩა. 

დღის განმავლობაში მიღებულ იქნა ინფორმაცია ელექტროენერგიის მიწოდების აღდგენის შესახებ.

სადგურის გაჩერების ინციდენტს გამოეხმაურა უკრაინის პრეზიდენტი, ვოლოდიმირ ზელენსკიც და აღნიშნა, რომ რუსეთმა უკრაინა და ყველა ევროპელი ჩააყენა იმ სიტუაციაში, როდესაც რადიაციულ კატასტროფას ერთი ნაბიჯი აშორებდათ.

მისივე თქმით, ისტორიაში პირველად, მოხდა ისე, რომ ზაპოროჟიეს ატომური ელექტროსადგური გაჩერდა, რასაც შეიძლებოდა მოყოლოდა რადიაციული ავარიის შედეგები.

ამასთან, 26 აგვისტოს, ბირთვულმა ოპერატორმა Energoatom-მა განაცხადა, რომგაჩერებული ზაპოროჟიეს ერთ-ერთი ელექტროსადგური მიუერთდა ელექტრო ქსელს და ემატება სიმძლავრე.

დღეს, 31 აგვისტოს კი ატომური ენერგიის საერთაშორისო სააგენტოს მისია კიევიდან ზაპოროჟიეს ატომურ ელექტროსადგურისკენ გაემგზავრა, სადაც უნდა შეაფასოს სიტუაცია და შექმნას მუდმივი მისია. ოკუპანტებმა განაცხადეს, რომ მისიას სამუშაოდ 1 დღე აძლევენ.

ავტორი: ექსპრესნიუსი,

სოციალური ქსელები

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს