არსებობს შესაძლებლობა, ოკუპანტებმა გადაწყვიტონ ზაპორიჟიეს ატომური ელექტროსადგურის აფეთქება . - ამის შესახებ უკრაინის ეროვნული უშიშროების საბჭოს მდივანმა, ოლექსეი დანილოვმა განაცხადა.

მისივე თქმით, ეს არის ყველაზე დიდი ატომური ელექტროსადგური ევროპაში

"ეს სადგური დაიპყრეს შეიარაღებულმა ტერორისტებმა, მათ ტექნიკა მიიტანეს ამ ტერიტორიაზე. თუ ახლა დავიწყებთ მათთან "ურთიერთობის გარკვევას", არსებობს შესაძლებლობა, რომ გადაწყვიტონ მისი აფეთქება.
და ღმერთმა არ ქნას, თუ იქ ბირთვული კატასტროფა მოხდა, მაშინ შემიძლია ვთქვა, რომ ის, რაც ჩერნობილში მოხდა, არაფერი იქნება იმასთან შედარებით, რაც შეიძლება მოხდეს ზაპორიჟიეს ატომურ ელექტროსადგურზე... იმიტომ, რომ ეს არის ყველაზე დიდი ატომური ელექტროსადგური ევროპაში“. - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა

ავტორი: ექსპრესნიუსი,

სოციალური ქსელები

რუსეთის იუსტიციის სამინისტრომ პარტია "დროა" არასასურველი ორგანიზაციების სიაში შეიყვანა

მიქანაძე: საქართველო-ჩინეთს შორის განათლების სფეროში მნიშვნელოვან ეტაპზე გადავდივართ

დემოკრატები მასკს მოუწოდებენ, შეინარჩუნოს დოკუმენტები Starlink-ის უკრაინისთვის შეზღუდვების შესახებ

პოლონეთმა აშშ-სგან უკრაინისთვის იარაღის შესყიდვის დაფინანსება შეაჩერა