თარიღებზე საუბარს და სპეკულაციებს, მე  გთხოვთ ყველას, თავი დავანებოთ, - ასე უპასუხა პრემიერ-მინისტრმა, ირაკლი ღარიბაშვილმა ჟურნალისტის შეკითხვას იმის შესახებ, თუ რატომ აგებენ პატივს 2008 წლის ომში დაღუპულენს 8 და არა 7 აგვისტოს. 

მისი თქმით,  ყოფილი ხელისუფლების წარმომადგენლები  ყოველთვის 8 აგვისტოს ამოდიოდნენ  მუხათგვერდის ძმათა სასაფლაოზე. 

"ძალიან სამწუხაროა, რომ ჩვენ თარიღებზე გვიწევს საუბარი. ერთი მინდა ვთქვა, რომ ჩვენ, ყველანი დღეს ვართ შეკრებილი იმისთვის, რომ კიდევ ერთხელ ქედი მოვიხაროთ ჩვენი გმირების წინაშე. დანარჩენი, თარიღებზე საუბარს და სპეკულაციებს, მე  გთხოვთ ყველას, თავი დავანებოთ.  მე მინდა შეგახსენოთ ყველას, რომ თარიღი - 8 აგვისტო არასოდეს გამხდარა განხილვის საგანი. ყოფილი ხელისუფლების წარმომადგენლები აქ ყოველთვის 8 აგვისტოს ამოდიოდნენ და უხერხულია, ჩვენ ვსაუბრობთ თარიღებზე",- განაცხადა ღარიბაშვილმა. 

2008 წლის აგვისტოს ომიდან 14 წელი გავიდა. ის საქართველოს უახლესი ისტორიის ყველაზე ტრაგიკულ მოვლენას წარმოადგენს, რომელმაც ქვეყანას უმძიმესი შედეგები მოუტანა.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება