განცხადება მინდა გავაკეთო იმასთან დაკავშირებით, რაც ხდებოდა გუშინ მთელი დღის განმავლობაში. მეორე მხარე აქვს ამ ყველაფერს, როდესაც ვიღაც პროვოკატორი, რომელი ერის წარმომადგენელიც არ უნდა იყოს, რუსი იქნება, თუ სხვა, მიდის პროვოკაციაზე, რაღაც კონკრეტულ კვების ობიექტს დაბალ ქულებს უწერს, უნდა მივხვდეთ, რომ ის არის პროვოკატორი. ეროვნულობას და ეთნიკურ ნიშანს კი არ აქვს მნიშვნელობა, არის ვიღაც პროვოკატორი, რომელიც არის ამ შემთხვევაში, მედლის მეორე მხარე,’’- ამის შესახებ ,,ქართული ოცების’’  აღმასრულებელმა მდივანმა მამუკა მდინარაძემ განაცხადა. 

როგორც მამუკა მდინარაძემ აღნიშნა, სამწუხაროა, რომ ჩვენი საზოგადოების ნაწილი, ერთი მხრივ, აწარმოებს ქსენოფობიურ კამპანიას და გარკვეულ შემთხვევაში ვერ ხვდება, რომ პროვოკაციას არ უნდა წამოეგოს.  

,,სამწუხაროა, რომ ჩვენი თანამოქალაქეები, ერთი მხრივ, ქსენოფობიურ კამპანიას აწარმოებენ. კიდევ ვამბობ ხაზგასმით, რომელი ქვეყნის წარმომადგენელიც არ უნდა იყოს ის, მტრულად განწყობილი ქვეყნის, თუ მოყვრულად განწყობილი ქვეყნის წარმომადგენელი, ხომ უნდა მივხვდეთ, რომ ის არის პროვოკატორი და ამ პროვოკაციაზე მან წამოაგო გარკვეული პირთა წრე. შემდეგ, ამას საპირისპირო კამპანია მოჰყვა. პროვოკატორს ხომ უნდა დავარქვათ პროვოკატორი და შენ ამ პროვოკაციის განხორციელებაში ხელი არ უნდა შეუწყო. უნდა მიხვდე, რომ შენი ქსენოფობიური კამპანია ვერ დააზღვევს პროვოკაციას, პირიქით, გაამყარებს. ამ ხალხს თავი დაანებონ, ნუ აგიჟებენ. რაღაცა განწყობების გაღვივებას, რომელიც ცუდ ამბებთან მიგვიყვანს, ნუ ცდილობენ. ვერ ჩაგვითრიეს ვერანაირი გზით ომში, ახლა ქსენოფობიური კამპანიის გაღვივებით, ნაღმების აფეთქებით ცდილობენ იქამდე მისვლას, სადამდეც  მისვლა არ გამოუვიდათ,’’- განაცხადა მამუკა მდინარაძემ.

ავტორი: NS (სტატია დაფინანსებულია),

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება