ორგანიზაციამ პარტნიორობა ადამიანის უფლებებისთვის (PHR)  ორი უკრაინელი ბავშვისთვის თავშესაფრის და აუცილებელი პირობების მოთხოვნით სასამართლოს მიმართა.

ორგანიზაციის ცნობით, 2022 წლის პირველ აგვისტომდე 9 წლის ვოლოდიმირი და 10 წლის მიხაილო უკრაინიდან ჩამოსული ლტოლვილებისთვის განკუთვნილ სასტუმროში ცხოვრობდნენ, სადაც სამჯერადი კვებით იყვნენ უზრუნველყოფილნი, თუმცა პირველ აგვისტოს საქართველოს მთავრობამ ბავშვები დედასთან და კიდევ ათობით სხვა უკრაინელთან ერთად ქუჩაში და ფაქტობრივად მშიერი დატოვა.

"პირველივე, რაც 10 წლის მიხაილომ გვითხრა, თუ რა სჭირდებოდა იყო - „საჭმელი, წამლები... საცხოვრებელი“. რასაც მოაყოლა, რომ ძალიან უნდოდა სათამაშოები.  ორგანიზაცია ითხოვს ბავშვები დაუყოვნებლივ უზრუნველყოფილნი იყვნენ თავშესაფრით, საკვებით და სხვა აუცილებელი პირობებით,"- ვკითხულობთ განცხადებაში.

პირველი აგვისტოდან #PHR საქმეში ჩაერთო და სამ აგვისტოს თბილისის საქალაქო სასამართლოს მიმართა შუამდგომლობით დროებითი განჩინების გამოცემის შესახებ.

ფოტოზე: 10 წლის მიხაილოს ნახატი.

ავტორი: ექსპრესნიუსი,

სოციალური ქსელები

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს