"ქართული ოცნებიდან" წასული დეპუტატები სამოქალაქო მოძრაობას აყალიბებენ, რათა "საჯარო პოლიტიკაში ბევრ კითხვას გაეცეს პასუხი, რაზეც აქამდე ხშირად არ იძლეოდა". 

როგორც სოზარ სუბარმა პარლამენტში გამართულ ბრიფინგზე აღნიშნა, მთავარი მიზანი იქნება, რომ საქართველოს "ომის საფრთხე თავიდან ააცილონ".

"გუშინ გამოქვეყნებულ წერილში ბიძინა ივანიშვილმა დაადასტურა, ის, რასაც ჩვენ ამდენიხანია ვამბობთ, რომ ძალიან რეალური იყო საქართველოს ომში ჩართვა, მაგრამ საფრთხე ბოლომდე აღმოფხვრილი არ არის და ჯერ კიდევ არსებობს.

გადავწყვიტეთ ჩამოვაყალიბოთ სამოქალაქო მოძრაობა, რომლის მიზანი იქნება ვიბრძოლოთ იმისთვის, რომ საჯარო პოლიტიკაში ძალიან ბევრ კითხვას გაეცეს პასუხი, რაზეც პასუხები აქამდე ხშირად არ იძლეოდა და ყველაფერი გავაკეთოთ იმისთვის, რომ საქართველოს ავაცილოთ თავიდან ომის საფრთხე და საქართველოს ევროპული გზა, საქართველოს ევროპაში ინტეგრაცია იყოს შეუქცევადი.

ცხადია, თუკი მოხდება ომი, ამ შემთხვევაში ვერანაირ ევროპაზე, ვერანაირ ნატოზე, ვერანაირ ევროკავშირზე ვერ ვილაპარაკებთ, საქართველოს სახელმწიფოებრიობა რამდენი ხნით გაუქმდება და როდის შევძლებთ აღდგენას, აი ეს იქნება ერთადერთი ჩვენი ამოცანა და საფიქრალი, ამიტომ ჩვენ ყველაფერს იმისთვის, რომ ეს საფრთხეები ავაცილოთ ქვეყანას". - განაცხადა სოზარ სუბარმა.

შეგახსენებთ, რომ "სიმართლის სალაპარაკოდ" მმართველი პარტია დატოვეს სოზარ სუბარმა, დიმიტრი ხუნდაძემ და მიხელ ყაველაშვილმა. მათ შეუერთდნენ ლაგოდეხის საკრებულოს თავმჯდომარის მოადგილე და  "ქართულ ოცნებას" ახალციხის, ჭიათურისა და თერჯოლის საკრებულოს წევრები. ცოტა ხნის წინ, ცნობილი გახდა, რომ მათ რიგებს გურამ მაჭავარიანიც შეუერთდა.

ავტორი: ექსპრესნიუსი,

სოციალური ქსელები

რუსეთის იუსტიციის სამინისტრომ პარტია "დროა" არასასურველი ორგანიზაციების სიაში შეიყვანა

მიქანაძე: საქართველო-ჩინეთს შორის განათლების სფეროში მნიშვნელოვან ეტაპზე გადავდივართ

დემოკრატები მასკს მოუწოდებენ, შეინარჩუნოს დოკუმენტები Starlink-ის უკრაინისთვის შეზღუდვების შესახებ

პოლონეთმა აშშ-სგან უკრაინისთვის იარაღის შესყიდვის დაფინანსება შეაჩერა