თბილისის მერიის ორგანიზებით, ფესტივალი „თბილისის ცის ქვეშ“ სრულდება, რომლის ფარგლებშიც, ზაფხულის განმავლობაში,  დედაქალაქის სხვადასხვა უბანში საბავშვო–გასართობი, სპორტული და კულტურული აქტივობები განხორციელდა.
 
ბოლო საფესტივალო დღე დაგეგმილია  23 ივლისს, დიდ დიღომში, ახლად რეაბილიტირებულ პარკში,  სადაც 18:00 საათიდან პატარებისთვის წარმოდგენილი იქნება მეზღაპრისა და ილუსტრატორთა კუთხეები, მოზარდ მაყურებელთა და თითების თეატრების წარმოდგენები. სპორტული ნაწილი დატვირთული იქნება მინი გოლფით, მაგიდის ჩოგბურთით და ვირტუალური (VR) სივრცით. 20:30 საათზე, ფესტივალის ფარგლებში, გაიმართება ჯგუფი killages კონცერტი, საფესტივალო დღეს კი დიჯეი დაასრულებს.  
 
ფესტივალის - „თბილისის ცის ქვეშ“ მიზანია, ჯანსაღი ცხოვრების წესის დამკვიდრება ახალგაზრდებში, სპორტის განვითარება და მისი სხვადასხვა სახეობების პოპულარიზაცია,  მოქალაქეებისთვის დასვენებისა და გართობისთვის საჭირო გარემოს შექმნა.
 
პროექტის ფარგლებში, თბილისის უბნებში, მთელი ზაფხულის განმავლობაში სხვადასხვა სახის კულტურული, სპორტული, საბავშვო და საგანმანათლებლო აქტივობა განხორციელდა. ფესტივალი ტრადიციული ხასიათისაა და თბილისის მერიის ორგანიზებით, ზაფხულის განმავლობაში ყოველწლიურად ხორციელდება.
 

ავტორი: NS (სტატია დაფინანსებულია),

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები