|
2022-07-19 12:37:45, 617 ნახვა
საზოგადოება
სპეციალიზებული პროკურორებისთვის დისკრიმინაციის ნიშნით შეუწყნარებლობის მოტივით ჩადენილი დანაშაულების გამოძიების სახელმძღვანელო შემუშავდა
საქართველოს გენერალური პროკურატურის ორგანიზებით და ევროპის საბჭოს მხარდაჭერით, დისკრიმინაციის ნიშნით შეუწყნარებლობის მოტივით ჩადენილ დანაშაულებზე სპეციალიზებული პროკურორებისთვის ტრენინგი ჩატარდა და სახელმძღვანელოს პრეზენტაცია გაიმართა. ინფორმაციას ამის შესახებ პროკურატურა ავრცელებს. მათივე ცნობით, ევროპის საბჭოს ექსპერტის ლევან მესხორაძის მიერ სპეციალიზებული პროკურორებისთვის შემუშავებულ სახელმძღვანელოში - „შეუწყნარებლობით მოტივირებული დანაშაულების გამოძიების პრინციპები საერთაშორისო სტანდარტების მიხედვით“ ადამიანის უფლებათა ევროპული სასამართლოს გადაწყვეტილებების ანალიზი და დისკრიმინაციის სხვადასხვა ნიშნებით წარმოებულ საქმეებზე არსებული ტენდენციებია მიმოხილული. „სპეციალიზებული პროკურორებისთვის შეუწყნარებლობით მოტივირებული დანაშაულების თემაზე გამართულ ტრენინგზე, გენერალური პროკურატურის ადამიანის უფლებათა დაცვის დეპარტამენტის წარმომადგენლებმა სპეციალიზებულ პროკურორებს შეუწყნარებლობით მოტივირებული დანაშაულების წინააღმდეგ ბრძოლის მიმართულებით არსებული ძირითადი ტენდენციები გააცნეს და სისხლის სამართლის საქმეებში მოტივის დამადასტურებელი მტკიცებულებითი სტანდარტი და სასამართლოში საქმის განხილვის სპეციფიკა მიმოიხილეს. განსაკუთრებული ყურადღება გენდერული დისკრიმინაციის მოტივის, გენდერული იდენტობისა და სექსუალური ორიენტაციის, ეროვნების, რელიგიის, შშმ და სხვა ნიშნების სპეციფიკას და მსხვერპლზე ორიენტირებული მიდგომების პრაქტიკაში იმპლემენტაციას დაეთმო. პროკურორთა გადამზადების მიზანია, შეუწყნარებლობით მოტივირებულ დანაშაულებზე საპროკურორო საქმიანობის ხარისხის გაზრდა, დაზარალებულთა ეფექტიანი დაცვა და მხარდაჭერა. საქართველოს პროკურატურისთვის შეუწყნარებლობით მოტივირებული დანაშაულის წინააღმდეგ სისხლისსამართლებრივი მექანიზმის ეფექტიანად გამოყენება და აღნიშნული დანაშაულის პრევენციის მიზნით ღონისძიებების განხორციელება კვლავ პრიორიტეტულ მიმართულებად რჩება. ამ მიმართულებით პროკურატურის თანამშრომელთა კვალიფიკაციის ამაღლება და პროფესიული განვითარება მომავალშიც აქტიურად გაგრძელდება,“ - აღნიშნულია გავრცელებულ ინფორმაციაში.
კობახიძე- საჯარო პოლემიკა სასულიერო პირსა და ხელისუფლებას შორის, დამაზიანებელია როგორც ეკლესიისთვის, ისე ქვეყნისთვის
კალასი - რუსეთის მიმართ მოთხოვნებში რჩება საოკუპაციო ჯარების გაყვანა საქართველოდან
ბრაჟე - საქართველოს მთავრობამ გადაწყვიტა არ მიიღოს ეს სარგებელი ევროკავშირთან თანამშრომლობით, მათი არჩევანია
მარტა კოსი - ჩვენ ისევ გვჯერა საქართველოს ევროპული მომავლის, მოსახლეობის 80% მომხრეა ევროკავშირის წევრობის
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



