ყველაფერში დამნაშავე ბიძინა ივანიშვილია და ის უნდა დაისაჯოს,- ასე გამოეხმაურა გუშინდელ აქციას პოლონეთის სეიმის ვიცე-სპიკერმა, მალგორზატა გოშიევსკა.

გოშიევსკას თქმით, ხალხის რუსთაველზე ყოფნა, ევროპული იდენტობის საუკეთესო დასტური იყო, ახლა კი  ევროკავშირის საპასუხისმგებლო გადაწყვეტილების დროა.

„ქართველებო! დღეს თქვენი რუსთაველზე ყოფნა, თქვენი ევროპული იდენტობის საუკეთესო დასტურია. ახლა ევროკავშირის საპასუხისმგებლო გადაწყვეტილების დროა.

დიახ, ჩვენ არ მოგვწონს საქართველოს ხელისუფლების ქმედებები ოპოზიციის მიმართ.

დიახ, არ განხორციელებულა ყველა მოსალოდნელი რეფორმა.

დახ, ქვეყანა ოლიგარქიულია.

დიახ, ჩვენ არ მოგვწონს მტკიცე პოზიციის ნაკლებობა უკრაინაში მიმდინარე ომის საკითხზე.

მაგრამ ეს აბსოლუტურად არ ეხება ქართულ საზოგადოებას, რადგან საზოგადოება ამ ქმედებების მსხვერპლია.

ეს საქართველოს ხელისუფლებასაც კი არ ეხება, რადგან ის არ მართავს.

ამ ყველაფერში დამნაშავე ბიძინა ივანიშვილია და ის უნდა დაისაჯოს!

როგორ? დავიწყოთ, მის მიმართ მკაცრი სანქციები“,- წერს გოშიევსკა.

შეგახსენებთ, რომ გუშინ 20 ივნისს მოძრაობა "სირცხვილიას" ორგანიზებით აქცია, "შინ ევროპისკენ" გაიმართა. "ნეტგაზეთის" დათვლით აქციას მინიმუმ 120 000, მაქსიმუმ კი 160 000 ადამიანი დაესწრო. მოქალაქეები პარლამენტის წინ ევროინტეგრაციის მხარდასაჭერად შეიკრიბნენ.

ავტორი: ექსპრესნიუსი,

სოციალური ქსელები

პოლონეთმა აშშ-სგან უკრაინისთვის იარაღის შესყიდვის დაფინანსება შეაჩერა

თეთრმა სახლმა დაადასტურა ტრამპის, პუტინისა და სი ძინპინის პირველი ერთობლივი შეხვედრა - განხილვის თემები ცნობილია

აშშ-ში საჰაერო მიმოსვლის მასშტაბური შეფერხების შედეგად დაახლოებით 1.5 მილიონი ადამიანი დაზარალდა

აშშ-სთან მოლაპარაკებების დროს რუსეთმა მოითხოვა ნატოს სამხედრო ყოფნის შეზღუდვა აღმოსავლეთ ევროპასა და სამხრეთ კავკასიაში (საქართველოში) - The New York Times