თბილისიდან უკრაინაში ჰუმანიტარული ტვირთების გაგზავნის პროცესი გრძელდება. საკვები პროდუქტები, პირველადი საჭიროების ნივთები, ტანსაცმელი და მედიკამენტები თბილისის მერიის მიერ ბელიაშვილის N 5-ში მოწყობილ ლოგისტიკურ ცენტრში გროვდება. აქციაში ბიზნესსექტორი და რიგითი მოქალაქეები არიან ჩართულები.

ჰუმანიტარული ტვირთის ჩატვირთვის პროცესს, დღეს, თბილისის მერის მოადგილე ილია ელოშვილი დაესწრო. 

„მოგეხსენებათ, თბილისის მერიამ ბელიაშვილის N 5-ში შექმნა  ლოგისტიკური ცენტრი, საიდანაც პერიოდულად იგზავნება ჰუმანიტარული ტვირთები უკრაინაში. საერთო ჯამში, საქართველოდან, მათ შორის, თბილისიდან გავაგზავნეთ 400 ტონაზე მეტი ტვირთი. დღეს კიდევ იტვირთება სამი სატვირთო მანქანა, რომელიც გაიგზავნება უკრაინაში. დღეისთვის აქ წარმოდგენილია რამდენიმე კომპანიის მიერ შეგროვებული საყოფაცხოვრებო ნივთები და საკვები პროდუქტი. ესენია: კომპანია „ლილო ჯგუფი“, „ბასა ჯგუფი“, „ჯიბე“, „ჰაიდელბერგ ცემენტი“, „ბადაგი“, „ლილო შოპ ჯი“.  დაახლოებით, ერთ კვირაში ეს ტვირთი ჩატანილი იქნება უკრაინაში“, - განაცხადა ილია ელოშვილმა.

ავტორი: NS (სტატია დაფინანსებულია),

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"