|
2022-04-03 13:36:11, 836 ნახვა
საზოგადოება
მეორე დღეა, მდინარე ლეხინდარში გადავარდნილ 17 წლის მოზარდს ეძებენ
მეორე დღეა, რაც წყალტუბოს მუნიციპალიტეტის სოფელ ლეხიდრისთავის მდინარეში გაუჩინარებულ 17 წლის მოზარდს ეძებენ. საგანგებო სიტუაციების მართვის სამსახურის განცხადებით, ოპერაციაში ჩართულია 45 მეხანძრე-მაშველი, ასევე, ტერიტორიის მონიტორინგი ხდება საფრენი აპარატის, დრონის მეშვეობითაც და მიმდინარეობს 24 საათიანი მონიტორინგი. "შინაგან საქმეთა სამინისტროს საზოგადოებრივი უსაფრთხოების მართვის მართვის ცენტრ "112"-ში მიმდინარე წლის 2 აპრილს შემოვიდა შეტყობინება წყალტუბოს მუნიციპალიტეტის სოფელ ლეხიდრისთავში გაუჩინარებული მოქალაქის შესახებ. ინიციატორის განცხადებით, მოქალაქე მდინარე ლეხიდრეს სიახლოვეს იმყოფებოდა, რა დროსაც წყალში ჩავარდა და გაუჩინარდა. შეტყობინების მიღებიდან უმოკლეს დროში სოფელ ლეხიდრისთავში საგანგებო სიტუაციების მართვის სამსახურის თანამშრომლები სპეციალური აღჭურვილობით გამოცხადდნენ და დაიწყეს გაუჩინარებული მოქალაქის საძიებო-სამაშველო ღონისძიებები. ოპერაციაში ჩაერთო 45 მეხანძრე-მაშველი, რომელთა მიერ, ამ დროისთვის, მიმდინარეობს მდინარის სანაპირო ზოლის და ზედაპირის დათვალიერება. ასევე, ტერიტორიის მონიტორინგი ხდება საფრენი აპარატის, დრონის მეშვეობითაც. გარდა ამისა, ძებნა-შველის ღონისძიებაში ჩართულია სამსახურის განსაკუთრებულ სიტუაციებზე რეაგირების მთავარი სამმართველოს მყვინთავთა ჯგუფი და სპეციალური მცურავი საშუალებები. ტერიტორიაზე მოწყობილია საველე შტაბები, მდინარე რიონსა და ლეხიდრეს შესართავთან მობილიზებულია დამატებითი ჯგუფები და მიმდინარეობს 24 საათიანი მონიტორინგი,"- აცხადებენ უწყებაში. მედიაში გავრცელებული ინფორმაციით, არასრულწლოვანი ხიდზე მშობლებთან ერთად იმყოფებოდა, რა დროსაც ფეხი დაუცურდა და მდინარეში გადავარდა.
ესტონეთი რუსეთთან საზღვარს 1 დეკემბერს დახურავს თავდაცვის ქარხანაში მომხდარი დივერსიის გამო.
უკრაინამ რუსეთის ერთ-ერთ უდიდეს ნავთობქიმიურ ქარხანას შეუტია, ტაგანროგში ელექტროსადგური დაბომბა
16 ნოემბერს, ღამის საათებში, ქეთევან დედოფლის გამზირზე საავტომობილო მოძრაობა სრულად გადაიკეტება
ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
უკრაინა და რუსეთი 3000-მდე სამხედრო ტყვეს გაცვლას გეგმავენ
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



