რუსეთის პრეზიდენტ ვლადიმერ პუტინსა და საფრანგეთის პრეზიდენტ ემანუელ მაკრონს შორის სატელეფონო საუბარი შედგა, რომელზეც ორი ქვეყნის ლიდერმა უკრაინასი არსებული ვითარება განიხილეს.

„ლიდერებმა კიდევ ერთხელ გაცვალეს მოსაზრებები უკრაინის ირგვლივ არსებული სიტუაციის ასპექტების შესახებ, მათ შორის, სტამბოლში რუსეთისა და უკრაინის დელეგაციების მოლაპარაკებების კონტექსტში“, - ნათქვამია განცხადებაში.

კრემლში განაცხადეს, რომ ლიდერებს შორის სატელეფონო საუბრისას განსაკუთრებული ყურადღება ჰუმანიტარულ საკითხებს დაეთმო.

„რუსეთის პრეზიდენტმა ფრანგ კოლეგას ზომების შესახებ აცნობა, რომელიც რუსი სამხედროების მიერ გადაუდებელი ჰუმანიტარული დახმარების გაწევისა და მშვიდობიანი მოსახლეობის უსაფრთხო ევაკუაციის უზრუნველსაყოფად მიიღეს, მათ შორის, მარიუპოლიდან“, - ნათქვამია განცხადებაში.

ამასთანავე, ვლადიმერ პუტინმა ემანუელ მაკრონს განუცხადა, რომ მარიუპოლში ჰუმანიტარული პრობლემების გადაჭრა მას შემდეგ გახდება შესაძლებელი, რაც უკრაინელი სამხედროები იარაღს დადებენ. 

„უკრაინელმა ნაციონალისტმა ბოევიკებმა უნდა შეწყვიტონ წინააღმდეგობა და ჩააბარონ იარაღი, რათა მოგვარდეს მძიმე ჰუმანიტარული სიტუაცია ამ ქალაქში [მარიუპოლში]  ", - განუცხადა ვლადიმერ პუტინმა ემანუელ მაკრონს. 

ავტორი: ექსპრესნიუსი,

სოციალური ქსელები

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს